Bein útsending: Hvað erum við að gera gegn peningaþvætti?

Fjártækniklasinn stendur fyrir málþingi um hvernig sporna megi gegn peningaþvætti. Þingið hefst klukkan 15 og má nálgast útsendingu frá því hér að neðan.

Yfirskrift þingsins, sem fer fram í Silfurbergi í Hörpu, er „Hvað erum við að gera gegn peningaþvætti?“ Peningaþvættismál hafa verið í deiglunni að undanförnu, bæði vegna veru Íslands á gráum lista FATF og „vegna mikillar nýsköpunar í vörnum gegn peningaþvætti á Íslandi, sem getur þannig tekið forystu í þessum málum,“ segja aðstandendur málþingsins.

Ræðumenn eru:

- Guðmundur Kristjánsson, stofnandi og forstjóri Lucinity

- Benedikt Gíslason, bankastjóri Arion banka

- Lilja Björk Einarsdóttir, bankastjóri Landsbankans

- Unnur Gunnarsdóttir, varaseðlabankastjóri fjármálaeftirlits

- Áslaug Arna Sigurbjörnsdóttir, dómsmálaráðherra

- Ólafur Örn Guðmundsson, CTO hjá Nátthrafni

- Daníel Pálmason, lögmaður hjá Kviku banka

Fundarstjóri er Gunnlaugur Jónsson, framkvæmdastjóri Fjártækniklasans.