Töluverðar líkur eru á að NBA deildin muni leita til teiknimyndarisans Disney með það fyrir augum að nýta sér aðstöðuna í Disneylandi í Florida til að ljúka keppni í NBA deildinni í sumar.
Samkvæmt fréttum vestanhafs er um að ræða eina af þremur sviðsmyndum sem forráðamenn deildarinnar skoða nú gaumgæfilega en vonast er til að geta hafið keppni að nýju þann 15.júlí næstkomandi.
Ekki hefur verið leikið í deildinni síðan snemma í mars og er nokkrum umferðum af deildarkeppninni ólokið. Líklegt þykir að farið verði beint í úrslitakeppnina.
Fari svo að Disney sviðsmyndin reynist heillavænlegust með tilliti til kórónaveirufaraldursins myndu allir leikir deildarinnar fara fram á heimavelli Orlando Magic og leikmenn liðanna hefðu aðsetur í Disneylandi.
The NBA has Orlando/Disney World as a clear frontrunner for return-to-play site for resuming 2019-20 season, sources tell me and @sam_amick. Orlando has gained significant seriousness among other cites such as Las Vegas.
— Shams Charania (@ShamsCharania) May 20, 2020
