Dagskráin í dag: Magnaðir íslenskir leikir, þættir, annálar og heimildarmyndir

Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Stöð 2 Sport

Þrátt fyrir að það sé engar beinar útsendingar í dag er dagskráin heldur betur þétt á Stöð 2 Sport í dag. Útsendingar frá Evrópudeildinni, úrslitaleikur enska deildarbikarsins milli Liverpool og Man. City frá árinu 2016 og margt margt fleira er á dagskrá dagsins.

Sportið í dag mun hefjast klukkan 15.00 eins og alla virka daga þar sem þeir Henry Birgir Gunnarsson og Kjartan Atli Kjartansson munu fá góða gesti í heimsókn eða rífa upp Skype-tólið. Í kvöld verða svo rifjaðir upp skemmtilegir leikir í íslenska fótboltanum sem og Sportið í kvöld.

Stöð 2 Sport 2

Á Stöð 2 Sport 2 er sitt lítið af hverju. Annálar, 1 á 1 og bestir í boltanum eru á meðal þeirra þátta. Heimildarþáttur um Ölla, sagan úr Vesturbæ og Hólmurinn heillaði er svo á dagskrá síðar í kvöld.

Stöð 2 Sport 3

Stöð 2 Sport 3 er hlaðinn fótbolta í allan dag. Magnaðir leikir í gegnum tíðina; allt frá leik ÍBV og Keflavíkur árið 1997 til leik FH og KR sumarið 2009. Margir frambærilegir leikir í allan dag en þá má alla sjá á vefsíðu Stöðvar 2.

Stöð 2 eSport

Vodafone-deildin, Lenovo-deildin og útsendingar frá úrslitakvöldi KARDS World Championship er á meðal þeirra útsendinga sem má finna á Stöð 2 Sport eSport í dag.

Stöð 2 Golf

Opna breska mótið var aflýst í gær en í dag má sjá mynd um mótið síðustu fimm ár. Í kjölfarið er svo sýnt mynd frá Players-meistaramótinu árið 2008 sem og útsending frá síðustu tveimur dögunum á Augustu-meistaramótinu 2013.

Alla dagskránna má sjá á heimasíðu Stöðvar 2.