Steingrímur tekur við fjármálum Samherja í Hollandi

Steingrímur H. Pétursson hefur verið ráðinn fjármálastjóri á skrifstofu Samherja í Hollandi. Svo segir í tilkynningu frá Samherja. Greint var frá því á dögunum að Steingrímur hefði óskað eftir því að hætta sem framkvæmdastjóri fjármála og viðskiptaþróunar Haga eftir aðeins fjóra mánuði í starfi. Nú er komið í ljós hvers vegna.

Fram kemur í tilkynningu frá Samherja að Steingrímur hafi fjölþætta reynslu úr íslensku viðskiptalífi og búi yfir mikilli sérþekkingu á sviði fjármála. Áður en Steingrímur réð sig til Haga í september síðastliðnum var hann framkvæmdastjóri fjármálasviðs Olís um þriggja ára skeið.

Steingrímur hefur einnig gegnt stöðu framkvæmdastjóra hjá Eimskip, Sandblæstri og Málmhúðun og Fjárfestingarfélaginu Sjöfn en hóf starfsferil sinn að loknu háskólanámi hjá KPMG Endurskoðun á Akureyri þar sem hann vann í fjögur ár.

Steingrímur er með meistaragráðu í viðskiptafræði frá Háskólanum á Akureyri og B.Sc. gráðu í viðskiptafræði frá Háskóla Íslands. Hann er kvæntur Lindu Björk Sævarsdóttur og eiga þau þrjú börn. Samherji býður Steingrím hjartanlega velkominn til starfa