Newcastle United lagði Sheffield United að velli, 0-2, á Bramall Lane í ensku úrvalsdeildinni í kvöld.
Með sigrinum komst Newcastle upp í 11. sæti deildarinnar.
Sheffield United, sem tapaði í fyrsta sinn í átta leikjum í kvöld, er í 10. sæti. Liðið er með 19 stig, líkt og Newcastle.
Allan Saint-Maximin kom Newcastle yfir á 15. mínútu með sínu fyrsta marki fyrir félagið.
Martin Dubravka var frábær í fyrri hálfleik og varði nokkrum sinnum vel í marki Newcastle.
Þegar 20 mínútur voru til leiksloka skoraði Jonjo Shelvey annað mark Newcastle. Andy Caroll lagði markið upp. Hann var í byrjunarliði Newcastle í fyrsta sinn síðan 2011.
Fleiri urðu mörkin ekki og Newcastle vann 0-2 sigur.
Newcastle gerði góða ferð til Sheffield
