Fjórtán marka sigur Vals á Haukum

Valur vann stórsigur á Haukum, 29-15, í Olís-deild kvenna í handbolta í dag. Þetta var annar sigur Vals í röð.

Valskonur voru miklu sterkari aðilinn allan tímann. Þær skoruðu fyrstu sex mörk leiksins og eftir 16 mínútur var staðan 10-2, Val í vil.

Í hálfleik munaði níu mörkum á liðunum, 16-7. Bilið breikkaði í seinni hálfleik og á endanum munaði 14 mörkum á liðunum, 29-15.

Valur vann fyrsta leikinn gegn Haukum á tímabilinu, 18-33. Valskonur hafa því unnið báða leiki liðanna með samtals 29 marka mun.

Auður Ester Gestsdóttir, Hildur Björnsdóttir og Sandra Erlingsdóttir skoruðu fimm mörk hver fyrir Val.

Berta Rut Harðardóttir var markahæst í liði Hauka með sex mörk.