Mikil­vægur sigur hjá Kristjáni og Alexander | Oddur fór á kostum

Rhein-Neckar Löwen vann mikilvægan eisn marks sigur, 33-32, á TVB Stuttgart er liðin mættust í þýska handboltanum í dag.

Staðan var jöfn í hálfleik, 14-14, en heimamenn undir stjórn Kristjáns Andréssonar voru sterkari í síðari hálfleik og innbyrðu mikilvæg tvö stig.

Alexander Petersson gerði tvö mörk fyrir en markahæstur Ljónanna var Jannik Kohlbacher sem skoraði átta mörk.

Löwen er í 4. sætinu með tuttugu stig en TVB Stuttgart er í 15. sætinu með sex stig.

Kiel vann einnig eins marks sigur en Kiel vann 27-26 á Leipzig. Kiel er í 2. sætinu með 20 stig, tveimur stigum á eftir Flensburg, en Kiel á þó tvo leiki til góða.

Oddur Grétarsson fór á kostum er Balingen gerði jafntefli við Die Eulen Ludwigshafen, 25-25, en Oddur skoraði níu mörk fyrir Balingen og var markahæsti leikmaður vallarins.

Balingen er í 11. sæti deildarinnar.