Telur dóm Landsréttar brot á jafnræðisreglu Aðalheiður Ámundadóttir skrifar 16. nóvember 2019 08:00 Dómur í máli Nadeem var kveðinn upp í Landsrétti í gær. Fréttablaðið/ernir Dómsmál Landsréttur hefur þyngt refsingu yfir Nadeem Maqbool sem dæmdur var í Héraðsdómi Reykjavíkur í lok síðasta árs fyrir að afla sér kennitölu hjá Þjóðskrá með fölsuðu vegabréfi. Nadeem fékk fimm mánaða skilorðsbundinn dóm í héraði eftir að hann játaði þau brot sem hann var ákærður fyrir. Þar sem dómurinn var skilorðsbundinn var ekki unnt að draga frá refsingunni tæplega átta vikna gæsluvarðhaldsvist sem hann hafði verið látinn sæta, meðal annars vegna rannsóknar annarra sakamála sem hann reyndist ekki eiga neinn hlut að. Með dómi Landsréttar í gær var orðið við kröfu ákæruvaldsins og dómi yfir Nadeem breytt í fjögurra mánaða óskilorðsbundið fangelsi. Er í dómsorði kveðið á um að dagar hans í gæsluvarðhaldi skuli dregnir frá refsingunni. „Óréttlæti venst illa,“ sagði Páll Rúnar M. Kristjánsson verjandi, inntur eftir viðbrögðum við hinum nýfallna dómi en við meðferð málsins í Landsrétti sagði hann það í hróplegu ósamræmi við jafnræðisreglu íslensks réttar að skjólstæðingur hans búi við lakari rétt en aðrir í sambærilegum málum. Hann sagði niðurstöðu nýjustu dóma Héraðsdóms Reykjavíkur í sambærilegum málum alltaf þá sömu; 30 daga skilorðsbundið fangelsi. Engum þeirra dóma hefði verið áfrýjað af hálfu ákæruvaldsins en málin ættu það einnig öll sammerkt að enginn sakborninganna hefði sætt gæsluvarðhaldi. „Mál þetta hófst á einhverjum furðulegum misskilningi þar sem ákærði var ranglega bendlaður við mansalsmál en hinir grunuðu í því máli eru pakistanskir ríkisborgarar. Þessi grunur átti ekki við rök að styðjast en einhvern veginn sogaðist ákærði inn í það mál, líklega fyrir þær sakir að vera frá Pakistan,“ sagði Páll Rúnar við meðferð málsins í Landsrétti í síðustu viku. Ákvörðun um áfrýjun vakti furðu Páls Rúnars. Ljóst væri að hún hefði þann eina tilgang að bera í bætifláka fyrir gæsluvarðhaldsvist mannsins og freista þess að losa ríkið undan bótaskyldu fyrir ólögmæta frelsissviptingu. Nadeem kom hingað til lands árið 2017 á sínu eigin vegabréfi og óskaði eftir alþjóðlegri vernd. Hann notaði fyrst fölsuð skilríki eftir að umsókn hans var hafnað en hann óttaðist þá að verða sendur til heimalands síns þar sem hann sé réttdræpur fyrir þær sakir að hafa komið manni til aðstoðar sem ekki er múslimi. Páll Rúnar vék einnig að tíma Nadeem hér á landi. „Hann hefur verið upptekinn við að elda mat og baka brauð. Hann er listakokkur og er menntaður á sínu sviði í hótel- og veitingaskóla. Hann er það hæfileikaríkur að þegar hann var settur í gæsluvarðhald þurfti að taka rétti af matseðli veitingahússins sem hann vann á, af því að enginn annar en hann var fær um að elda þá. Þetta er góður drengur sem mætir til vinnu alla daga. Hann hefur eignast vini og er vel liðinn af þeim sem hann þekkja.“ Engar ákærur hafa verið gefnar út í tengslum við mansalsmálið. Meintur höfuðpaur þess máls var úrskurðaður í gæsluvarðhald 9. október í fyrra og sat í gæsluvarðhaldi í þrjá mánuði en er nú frjáls ferða sinna. Í gæsluvarðhaldsúrskurði yfir manninum 9. janúar var rannsókn lögreglu sögð á lokametrunum. Þótt liðnir séu tíu mánuðir frá þeim lokametrum er málið enn í rannsókn samkvæmt svari embættisins við fyrirspurn Fréttablaðsins. Birtist í Fréttablaðinu Dómsmál Mest lesið „Eins og að fá hnefahögg í andlitið“ Innlent Eygir vonarneista í fyrsta sinn í marga mánuði Innlent Íbúar mótmæla og vilja börn frekar en byggingu í Gunnarsbrekku Innlent Bílvelta í Kömbunum Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Segir dregið úr veiðum á grundvelli „Walt Disneylíffræði“ Innlent Lögregla kölluð til eftir að bremsuvírar voru klipptir á reiðhjólum barna Innlent Árborg girnist svæði Flóahrepps Innlent Kennir íslensku en fær ekki ríkisborgararétt að óbreyttu Innlent Nöfn myrtra barna verða lesin upp í sjö klukkustundir Innlent Fleiri fréttir Gríðarlegur fjöldi á mótmælunum Þjóð gegn þjóðarmorði Tæpir sextíu þúsund fermetrar í eigu ríkisins standa tómir Kennir íslensku en fær ekki ríkisborgararétt að óbreyttu Tvöföldun erlendra fanga á fimm árum: „Þetta er auðvitað gríðarlega hátt hlutfall“ Nöfn myrtra barna verða lesin upp í sjö klukkustundir Eygir vonarneista í fyrsta sinn í marga mánuði Eygir vonarneista í fyrsta sinn og mótmæli um allt land Segir dregið úr veiðum á grundvelli „Walt Disneylíffræði“ Árborg girnist svæði Flóahrepps Sendu kæligáma til Úkraínu Langflestir lögreglumenn á Suðurnesjum Brunarústirnar fjarlægðar tveimur árum eftir brunann Íbúar mótmæla og vilja börn frekar en byggingu í Gunnarsbrekku Reyndi að stinga lögreglu af á buggy Bílvelta í Kömbunum „Eins og að fá hnefahögg í andlitið“ Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Sjá meira
Dómsmál Landsréttur hefur þyngt refsingu yfir Nadeem Maqbool sem dæmdur var í Héraðsdómi Reykjavíkur í lok síðasta árs fyrir að afla sér kennitölu hjá Þjóðskrá með fölsuðu vegabréfi. Nadeem fékk fimm mánaða skilorðsbundinn dóm í héraði eftir að hann játaði þau brot sem hann var ákærður fyrir. Þar sem dómurinn var skilorðsbundinn var ekki unnt að draga frá refsingunni tæplega átta vikna gæsluvarðhaldsvist sem hann hafði verið látinn sæta, meðal annars vegna rannsóknar annarra sakamála sem hann reyndist ekki eiga neinn hlut að. Með dómi Landsréttar í gær var orðið við kröfu ákæruvaldsins og dómi yfir Nadeem breytt í fjögurra mánaða óskilorðsbundið fangelsi. Er í dómsorði kveðið á um að dagar hans í gæsluvarðhaldi skuli dregnir frá refsingunni. „Óréttlæti venst illa,“ sagði Páll Rúnar M. Kristjánsson verjandi, inntur eftir viðbrögðum við hinum nýfallna dómi en við meðferð málsins í Landsrétti sagði hann það í hróplegu ósamræmi við jafnræðisreglu íslensks réttar að skjólstæðingur hans búi við lakari rétt en aðrir í sambærilegum málum. Hann sagði niðurstöðu nýjustu dóma Héraðsdóms Reykjavíkur í sambærilegum málum alltaf þá sömu; 30 daga skilorðsbundið fangelsi. Engum þeirra dóma hefði verið áfrýjað af hálfu ákæruvaldsins en málin ættu það einnig öll sammerkt að enginn sakborninganna hefði sætt gæsluvarðhaldi. „Mál þetta hófst á einhverjum furðulegum misskilningi þar sem ákærði var ranglega bendlaður við mansalsmál en hinir grunuðu í því máli eru pakistanskir ríkisborgarar. Þessi grunur átti ekki við rök að styðjast en einhvern veginn sogaðist ákærði inn í það mál, líklega fyrir þær sakir að vera frá Pakistan,“ sagði Páll Rúnar við meðferð málsins í Landsrétti í síðustu viku. Ákvörðun um áfrýjun vakti furðu Páls Rúnars. Ljóst væri að hún hefði þann eina tilgang að bera í bætifláka fyrir gæsluvarðhaldsvist mannsins og freista þess að losa ríkið undan bótaskyldu fyrir ólögmæta frelsissviptingu. Nadeem kom hingað til lands árið 2017 á sínu eigin vegabréfi og óskaði eftir alþjóðlegri vernd. Hann notaði fyrst fölsuð skilríki eftir að umsókn hans var hafnað en hann óttaðist þá að verða sendur til heimalands síns þar sem hann sé réttdræpur fyrir þær sakir að hafa komið manni til aðstoðar sem ekki er múslimi. Páll Rúnar vék einnig að tíma Nadeem hér á landi. „Hann hefur verið upptekinn við að elda mat og baka brauð. Hann er listakokkur og er menntaður á sínu sviði í hótel- og veitingaskóla. Hann er það hæfileikaríkur að þegar hann var settur í gæsluvarðhald þurfti að taka rétti af matseðli veitingahússins sem hann vann á, af því að enginn annar en hann var fær um að elda þá. Þetta er góður drengur sem mætir til vinnu alla daga. Hann hefur eignast vini og er vel liðinn af þeim sem hann þekkja.“ Engar ákærur hafa verið gefnar út í tengslum við mansalsmálið. Meintur höfuðpaur þess máls var úrskurðaður í gæsluvarðhald 9. október í fyrra og sat í gæsluvarðhaldi í þrjá mánuði en er nú frjáls ferða sinna. Í gæsluvarðhaldsúrskurði yfir manninum 9. janúar var rannsókn lögreglu sögð á lokametrunum. Þótt liðnir séu tíu mánuðir frá þeim lokametrum er málið enn í rannsókn samkvæmt svari embættisins við fyrirspurn Fréttablaðsins.
Birtist í Fréttablaðinu Dómsmál Mest lesið „Eins og að fá hnefahögg í andlitið“ Innlent Eygir vonarneista í fyrsta sinn í marga mánuði Innlent Íbúar mótmæla og vilja börn frekar en byggingu í Gunnarsbrekku Innlent Bílvelta í Kömbunum Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Segir dregið úr veiðum á grundvelli „Walt Disneylíffræði“ Innlent Lögregla kölluð til eftir að bremsuvírar voru klipptir á reiðhjólum barna Innlent Árborg girnist svæði Flóahrepps Innlent Kennir íslensku en fær ekki ríkisborgararétt að óbreyttu Innlent Nöfn myrtra barna verða lesin upp í sjö klukkustundir Innlent Fleiri fréttir Gríðarlegur fjöldi á mótmælunum Þjóð gegn þjóðarmorði Tæpir sextíu þúsund fermetrar í eigu ríkisins standa tómir Kennir íslensku en fær ekki ríkisborgararétt að óbreyttu Tvöföldun erlendra fanga á fimm árum: „Þetta er auðvitað gríðarlega hátt hlutfall“ Nöfn myrtra barna verða lesin upp í sjö klukkustundir Eygir vonarneista í fyrsta sinn í marga mánuði Eygir vonarneista í fyrsta sinn og mótmæli um allt land Segir dregið úr veiðum á grundvelli „Walt Disneylíffræði“ Árborg girnist svæði Flóahrepps Sendu kæligáma til Úkraínu Langflestir lögreglumenn á Suðurnesjum Brunarústirnar fjarlægðar tveimur árum eftir brunann Íbúar mótmæla og vilja börn frekar en byggingu í Gunnarsbrekku Reyndi að stinga lögreglu af á buggy Bílvelta í Kömbunum „Eins og að fá hnefahögg í andlitið“ Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Sjá meira