Minniháttar meiðsli eftir bílveltu í Grafarvogi

Ökumaður jeppa slapp með skrekkinn í bílveltu á Borgarvegi í Grafarvogi í Reykjavík um ellefuleytið í morgun. Samkvæmt upplýsingum frá slökkviliðinu á höfuðborgarsvæðinu var ökumaður bílsins fluttur minniháttar slasaður á slysadeild.

Ökumaðurinn komst af sjálfdáðum út úr bílnum svo ekki þurfti að notast við tækjabíl sem sendur var á vettvang ásamt sjúkrabílnum.

Snjór og frost hafa verið að færa sig upp á skaftið á höfuðborgarsvæðinu undanfarna daga og víða sleipt.