Í leik liðanna fyrir tveimur vikum síðan mörðu Börsungar sigur og þeim beið einnig erfitt verkefni á heimavelli í kvöld.
Barcelona var mikið meira með boltann en gestirnir frá Slavía sem fengu þó sín færi í leiknum.
Besta færi leiksins fékk Lionel Messi er hann þrumaði boltanum í slánna en ekki náðu Börsungar að skora og lokatölur markalaust jafntefli.
Barcelona er á toppi riðilsins með átta stig, Dortmund og Inter með fjögur stig, en Slavía er á botninum með tvö stig.
Slavia Prague are the first team to keep a clean sheet against Barcelona in the #UCL group stages since Benfica in December 2012.
A shock result at Camp Nou. pic.twitter.com/MmjwEuRCgg
— Squawka Football (@Squawka) November 5, 2019
Leipzig er komið í góða stöðu í G-riðlinum eftir 2-0 sigur á Zenit frá Pétursborg en Leipzig er á toppi riðilsins með níu stig.
Marcel Halstenberg virtist vera koma Leipzig yfir eftir stundarfjórðung en eftir skoðun í VARsjánni var hann dæmdur rangstæður.
Diego Demme kom Leipzig yfir á lokamínútu fyrri hálfleiks og á 63. mínútu var það Marcel Sabitzer sem tvöfaldaði forystuna. Lokatölur 2-0.
Leipzig er með níu stig, Lyon og Zenit fjögur en Benfica á botninum með tvö.
