Alls var 963 íbúðarleigusamningum þinglýst í september. Er það 40 prósenta aukning frá ágústmánuði og rúmlega 47 prósenta aukning frá september á síðasta ári samkvæmt tölum Þjóðskrár.
Á höfuðborgarsvæðinu var 647 leigusamningum þinglýst sem er rúmlega 56 prósenta aukning milli ára. Næstflestir voru samningarnir á Norðurlandi, 113 talsins, en mesta aukningin var á Suðurnesjum, 87,5 prósent. Aðeins á Austurlandi fækkaði þinglýstum samningum milli ára.
Mikil fjölgun leigusamninga
