Öflugur útisigur Kiel

Kiel vann afar öflugan útisigur á Veszprém, 37-31, er liðin mættust í Meistaradeildinni í handbolta í dag en leikið var í Ungverjalandi.

Kiel var þremur mörkum yfir í hálfleik, 16-13, og mikið var skorað í leiknum en þeir þýsku höfðu betur.

Harald Reinkind fór á kostum í liði Kiel og skoraði átta mörk úr tíu skotum en Nikola Bilyk og Hendrik Pekeler gerðu sjö hvor.

Gísli Þorgeir Kristjánsson komst ekki á blað hjá Kiel en þeir þýsku eru með þrjú stig eftir fyrstu tvo leikina. Þeir gerðu jafntefli við Kielce í 1. umferðinni.

Veszprém er með tvö stig eftir tvo leiki en þeir unnu Motor Zaporozhye örugglega í 1. umferðinni.

Jaaaaaawoll! Da sind die ersten Big Points! #wirsindkiel#NurMitEuch#MOTW#EHFcl#newspic.twitter.com/58Y5UE2D68

— THW Kiel (@thw_handball) September 21, 2019