Trump vill sjá Kaepernick aftur í NFL

Donald Trump Bandaríkjaforseti myndi vilja sjá Colin Kaepernick spila aftur í NFL-deildinni.

Kaepernick vakti heimsathygli fyrir þremur þegar hann kraup á meðan þjóðsöngur Bandaríkjanna var leikinn til að mótmæla kynþáttamisrétti í Bandaríkjunum. Fleiri leikmenn fylgdu fordæmi hans.

Ekki voru allir á eitt sáttir við þetta uppátæki, þ.á.m. Trump sem sakaði Kaepernick um vanvirðingu. Þrátt fyrir það vill forsetinn sjá Kaepernick aftur í NFL-deildinni. Hann hefur verið án félags síðan hann yfirgaf San Francisco 49ers í mars 2017.

„Ég myndi elska að sjá Kaepernick aftur í deildinni, ef hann er nógu góður,“ sagði Trump.

„En ég vil ekki sjá hann aftur í deildinni því einhver heldur að það skapi gott umtal. Ég þekki marga eigendur liða í NFL og veit að þeir myndu semja við hann ef hann er nógu góður. Þeir gera allt til að vinna leiki.“