ÍBV semur við tvær pólskar handboltakonur

ÍBV hefur styrkt stig fyrir átökin í Olís deild kvenna í handbolta á komandi tímabili en liðið hefur gert samning við tvo erlenda leikmenn.

Nýju leikmenn Eyjaliðsins eru Marta Wawrzynkowska og Karolina Olszowa en þær koma báðar frá Póllandi.

Marta Wawrzynkowska er 27 ára gamall og 173 sentímetra markvörður sem var síðast á mála hjá SPR Pogon Szcecin en hún gerir samning við ÍBV til eins árs.

Wawrzynkowska spilaði með Pogon Szcecin í Áskorendakeppni Evrópu á síðustu leiktíð þar sem liðið fór alla leið í úrslitaleikinn.

Karolina Olszowa er 26 ára gömul og 177 sentímetra vinstri skytta og var síðast á mála hjá Vistal Gdynia í Póllandi og hún gerir jafnframt eins árs samning við félagið.