Enski boltinn

Bayern hefur áhuga á Trippier

Ingvi Þór Sæmundsson skrifar
Trippier í úrslitaleik Meistaradeildar Evrópu síðasta vor.
Trippier í úrslitaleik Meistaradeildar Evrópu síðasta vor. vísir/getty
Kieran Trippier, leikmaður Tottenham, er á óskalista Bayern München. Sky Sports greinir frá.

Þýsku meistararnir hafa styrkt vörn sína í sumar með frönsku heimsmeisturunum Lucas Hernández og Benjamin Pavard og vilja bæta Trippier í þann hóp.

Trippier er hugsaður sem varamaður fyrir Joshua Kimmich sem hefur leikið sem hægri bakvörður hjá Bayern síðan Philipp Lahm lagði skóna á hilluna.

Tottenham er tilbúið að selja Trippier sem náði sér ekki á strik á síðasta tímabili.

Auk Bayern hafa Atlético Madrid og Juventus áhuga á enska bakverðinum.

Enski boltinn Þýski boltinn

Mest lesið


Fleiri fréttir

Sjá meira


×

Mest lesið