Umfjöllun Bein lýsing Miðstöð Liðin Tölfræði Stöðutafla

Evrópumeistararnir í úrslit eftir framlengingu

Anton Ingi Leifsson skrifar
Groenen fagnar sigurmarkinu.
Groenen fagnar sigurmarkinu. vísir/getty
Evrópumeistarar Hollands eru komnir í úrslitaleikinn á HM 2019 sem fer fram í Frakklandi eftir 1-0 sigur á Svíþjóð í undanúrslitaleiknum í kvöld.

Í úrslitaleiknum munu Hollendingar mæta ríkjandi heimsmeisturum í Bandaríkjunum en úrslitaleikurinn fer fram í Lyon á sunnudaginn. Svíþjóð og England mætast í leiknum um þriðja sætið á laugardag.







Fyrri hálfleikurinn í kvöld var mjög leiðinlegur. Fá færi litu dagsins ljós og bæði lið voru mjög varkár. Leikmyndin varð eftir því og staðan markalaus í hálfleik.

Síðari hálfleikurinn var ívið fjörugari. Bæði lið áttu sín færi. Sari Van Veenendaal, markvörður Hollands, þurfti að taka á stóra sínum einu sinni og Hollendingar skutu í stöng.

Ekkert mark var skorað í venjulegum leiktíma og því þurfti að framlengja. Eina mark leiksins kom á 99. mínútu er Jackie Groenen tryggði Hollandi sigurinn.

Boltinn féll fyrir hana fyrir utan teig Svíþjóð, hún tók eina snertinu áður en hún skaut hnitmiðuðu skoti í fjærhornið. Laglegt skot og fyrsta mark hennar á mótinu.







Það verða því Holland og Bandaríkin sem berjast um það að verða heimsmeistari kvenna árið 2019 en úrslitaleikurinn fer fram eins og áður segir á sunnudaginn.

Bein lýsing

Leikirnir

    Sjá alla

    Mest lesið


    Fleiri fréttir

    Sjá meira

    Mest lesið