Aganefnd KSÍ kom saman í dag, eins og venja er að hún geri á þriðjudögum, en athygli vekur að hún hefur ekki úrskurðað í máli Björgvins Stefánssonar.
Eins og frægt er orðið lét Björgvin falla óviðeigandi ummæli þegar hann lýsti leik Hauka og Þróttar R. í Inkassodeildinni síðastliðinn fimmtudag.
Mikil umræða hefur skapast um málið en samkvæmt reglubókstaf KSÍ þá gæti hann átt von á fimm leikja banni vegna málsins.
Aganefnd fundar vikulega á þriðjudögum og hefur birt reglubundinn úrskurð á heimasíðu KSÍ. Þar kemur meðal annars fram að Kristinn Freyr Sigurðsson og Sölvi Geir Ottesen eru á leið í eins leiks bann vegna rauðra spjalda sem þeir fengu í síðustu umferð.
Þar er hins vegar ekkert að finna um Björgvin. Því má gefa sér það að mál hans sé enn í meðferð hjá aganefndinni.
Aganefnd ekki búin að úrskurða í máli Björgvins
Tengdar fréttir
Björgvin gæti fengið leikbann fyrir rasísk ummæli
Björgvin Stefánsson, framherji KR, geti verið á leið í leikbann út af orðum sem hann lét falla sem lýsandi í leik Hauka og Þróttar í gær.
Klara um mál Björgvins: „Okkur ber að taka þetta upp“
Framkvæmdarstjóri KSÍ ræðir um heitasta mál íslenska boltans þessa daganna.
Yfirlýsing Þróttar vegna ummæla Björgvins: „Framkoman með öllu óásættanleg“
Þróttur R. fordæmir ummæli Björgvins Stefánssonar um leikmann liðsins.
Rúnar um mál Björgvins: "Mér finnst þetta fáránleg umræða“
Rúnar Kristinsson ræddi mál málanna eftir 1-0 sigur KR á Víkingi í kvöld.
