Lykill sækist eftir leyfi sem viðskiptabanki Hörður Ægisson skrifar 29. maí 2019 05:00 Með starfsleyfi sem viðskiptabanki mun Lykill fjármögnun meðal annars fá heimild til að taka á móti innlánum frá almenningi. Fréttablaðið/Stefán Lykill fjármögnun, sem er að stærstum hluta í eigu bandaríska vogunarsjóðsins Davidson Kempner, hefur skilað inn formlegri umsókn til Fjármálaeftirlitsins (FME) um starfsleyfi sem viðskiptabanki. Magnús Scheving Thorsteinsson, stjórnarformaður Lykils, staðfestir þetta í samtali við Markaðinn. Umsóknin var send fyrr í þessum mánuði og er nú til skoðunar hjá FME. Markmið Lykils, sem er eignaleigufyrirtæki og fjármagnar bíla-, véla og tækjakaup, með því að sækjast eftir viðskiptabankaleyfi er að leitast eftir hagstæðari fjármögnun en félaginu hefur staðið til boða hingað til en með slíku leyfi mun Lykill fá heimild til að taka á móti innlánum frá almenningi. Þannig horfir Lykill til þess, samkvæmt heimildum Markaðarins, að færa út kvíarnar og breikka vöruframboð félagsins – bæði hvað varðar inn- og útlánastarfsemi – þar sem meðal annars er til skoðunar að bjóða upp á innlánsreikninga á netinu. Lykill hefur að undanförnu fjármagnað sig að stærstum hluta með útgáfu á skráðum skuldabréfum og víxlum. Í fyrra nam skuldabréfaútgáfa félagsins samtals um 11 milljörðum króna. Fyrr í þessum mánuði lauk Lykill skuldabréfaútboði á nýjum verðtryggðum skuldabréfaflokki, sem er til sjö ára, og voru samþykkt tilboð að nafnvirði að 3,53 milljarðar króna á verði sem jafngilti 3,34 prósenta ávöxtunarkröfu. Söluferli rann út í sandinn Áform Davidson Kempner, sem á yfir 80 prósenta hlut í Klakka, eignarhaldsfélagi sem heldur utan um 100 prósenta hlut í Lykli, áður Lýsingu, um að selja eignaleigufyrirtækið runnu út í sandinn í júlí í fyrra þegar það slitnaði upp úr viðræðum félagsins við TM. Ástæða viðræðuslitanna, eins og áður hefur verið greint frá í Markaðinum, var einkum sú að tilboð tryggingafélagsins, sem hljóðaði upp á 10,6 milljarða króna, eða sem jafngilti genginu 0,8 miðað við eigið fé félagsins á þeim tíma, var ekki í samræmi við væntingar stjórnenda og eigenda Lykils. Þá fór TM jafnframt fram á að fá seljendalán til þess að fjármagna kaupin en fulltrúar Klakka vildu ekki fallast á það. Afar ólíklegt er talið að söluferli Lykils verði endurvakið í bráð, ekki síst eftir ákvörðun stjórnar félagsins að sækjast eftir starfsleyfi sem viðskiptabanki, samkvæmt heimildum Markaðarins. Hagnaður Lykils nam rúmlega 1.200 milljónum króna á árinu 2018 og dróst saman um 850 milljónir króna frá fyrra ári. Heildareignir félagins í árslok 2018, sem samanstóðu meðal annars af reiðufé að andvirði 4,7 milljarða króna, voru samtals 38 milljarðar og er eigið fé Lykils rúmlega 12,6 milljarðar króna. Eiginfjárhlutfallið var því um 35,5 prósent og lagði stjórn félagsins til að greiddur yrði arður á þessu ári til hluthafa að fjárhæð 1.200 milljónir króna. Fyrir utan Davidson Kempner, sem er langsamlega stærsti hluthafi Lykils í gegnum eignarhaldsfélagið Klakka, eru aðrir helstu hluthafar félögum á vegum bræðranna Ágústs og Lýðs Guðmundssona og Sigurðar Valtýssonar, viðskiptafélaga þeirra og fyrrverandi forstjóra Exista. Íslenskir lífeyrissjóðir, sem áttu samanlagt um 6 prósenta hlut í Klakka í árslok 2017, gengu hins vegar frá sölu á stærstum hluta bréfa sinna í félaginu í árslok 2018. Birtist í Fréttablaðinu Íslenskir bankar Mest lesið ORA svarar fyrir fiskbúðinginn: „Stundum þarf bara pung í að gera breytingar“ Neytendur Segir stjórnendur ætla að skilja skuldirnar eftir á Íslandi Viðskipti innlent „Hef engar upplýsingar um að eitthvað óeðlilegt hafi átt sér stað“ Viðskipti innlent 208 sagt upp í fimm hópuppsögnum Viðskipti innlent Samkaup eignast 38 prósenta hlut í Kjötkompaní Viðskipti innlent Einn stofnenda Play og Leifur í framkvæmdastjórn Icelandair Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf Eiríkur Orri til Ofar Viðskipti innlent Spá óbreyttum stýrivöxtum í næstu viku Viðskipti innlent Kaupfélagið á bak við risaviðskipti í Iceland Seafood Viðskipti innlent Fleiri fréttir Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Sjá meira
Lykill fjármögnun, sem er að stærstum hluta í eigu bandaríska vogunarsjóðsins Davidson Kempner, hefur skilað inn formlegri umsókn til Fjármálaeftirlitsins (FME) um starfsleyfi sem viðskiptabanki. Magnús Scheving Thorsteinsson, stjórnarformaður Lykils, staðfestir þetta í samtali við Markaðinn. Umsóknin var send fyrr í þessum mánuði og er nú til skoðunar hjá FME. Markmið Lykils, sem er eignaleigufyrirtæki og fjármagnar bíla-, véla og tækjakaup, með því að sækjast eftir viðskiptabankaleyfi er að leitast eftir hagstæðari fjármögnun en félaginu hefur staðið til boða hingað til en með slíku leyfi mun Lykill fá heimild til að taka á móti innlánum frá almenningi. Þannig horfir Lykill til þess, samkvæmt heimildum Markaðarins, að færa út kvíarnar og breikka vöruframboð félagsins – bæði hvað varðar inn- og útlánastarfsemi – þar sem meðal annars er til skoðunar að bjóða upp á innlánsreikninga á netinu. Lykill hefur að undanförnu fjármagnað sig að stærstum hluta með útgáfu á skráðum skuldabréfum og víxlum. Í fyrra nam skuldabréfaútgáfa félagsins samtals um 11 milljörðum króna. Fyrr í þessum mánuði lauk Lykill skuldabréfaútboði á nýjum verðtryggðum skuldabréfaflokki, sem er til sjö ára, og voru samþykkt tilboð að nafnvirði að 3,53 milljarðar króna á verði sem jafngilti 3,34 prósenta ávöxtunarkröfu. Söluferli rann út í sandinn Áform Davidson Kempner, sem á yfir 80 prósenta hlut í Klakka, eignarhaldsfélagi sem heldur utan um 100 prósenta hlut í Lykli, áður Lýsingu, um að selja eignaleigufyrirtækið runnu út í sandinn í júlí í fyrra þegar það slitnaði upp úr viðræðum félagsins við TM. Ástæða viðræðuslitanna, eins og áður hefur verið greint frá í Markaðinum, var einkum sú að tilboð tryggingafélagsins, sem hljóðaði upp á 10,6 milljarða króna, eða sem jafngilti genginu 0,8 miðað við eigið fé félagsins á þeim tíma, var ekki í samræmi við væntingar stjórnenda og eigenda Lykils. Þá fór TM jafnframt fram á að fá seljendalán til þess að fjármagna kaupin en fulltrúar Klakka vildu ekki fallast á það. Afar ólíklegt er talið að söluferli Lykils verði endurvakið í bráð, ekki síst eftir ákvörðun stjórnar félagsins að sækjast eftir starfsleyfi sem viðskiptabanki, samkvæmt heimildum Markaðarins. Hagnaður Lykils nam rúmlega 1.200 milljónum króna á árinu 2018 og dróst saman um 850 milljónir króna frá fyrra ári. Heildareignir félagins í árslok 2018, sem samanstóðu meðal annars af reiðufé að andvirði 4,7 milljarða króna, voru samtals 38 milljarðar og er eigið fé Lykils rúmlega 12,6 milljarðar króna. Eiginfjárhlutfallið var því um 35,5 prósent og lagði stjórn félagsins til að greiddur yrði arður á þessu ári til hluthafa að fjárhæð 1.200 milljónir króna. Fyrir utan Davidson Kempner, sem er langsamlega stærsti hluthafi Lykils í gegnum eignarhaldsfélagið Klakka, eru aðrir helstu hluthafar félögum á vegum bræðranna Ágústs og Lýðs Guðmundssona og Sigurðar Valtýssonar, viðskiptafélaga þeirra og fyrrverandi forstjóra Exista. Íslenskir lífeyrissjóðir, sem áttu samanlagt um 6 prósenta hlut í Klakka í árslok 2017, gengu hins vegar frá sölu á stærstum hluta bréfa sinna í félaginu í árslok 2018.
Birtist í Fréttablaðinu Íslenskir bankar Mest lesið ORA svarar fyrir fiskbúðinginn: „Stundum þarf bara pung í að gera breytingar“ Neytendur Segir stjórnendur ætla að skilja skuldirnar eftir á Íslandi Viðskipti innlent „Hef engar upplýsingar um að eitthvað óeðlilegt hafi átt sér stað“ Viðskipti innlent 208 sagt upp í fimm hópuppsögnum Viðskipti innlent Samkaup eignast 38 prósenta hlut í Kjötkompaní Viðskipti innlent Einn stofnenda Play og Leifur í framkvæmdastjórn Icelandair Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf Eiríkur Orri til Ofar Viðskipti innlent Spá óbreyttum stýrivöxtum í næstu viku Viðskipti innlent Kaupfélagið á bak við risaviðskipti í Iceland Seafood Viðskipti innlent Fleiri fréttir Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Sjá meira