Hefja leik gegn Rússum í dag

Íslenska drengjalandsliðið skipað leikmönnum undir sautján ára aldri hefur leik á lokakeppni Evrópumótsins í Írlandi gegn Rússum í dag.

Er þetta fyrsti leikur liðsins í riðlakeppninni en síðar í dag mætast Portúgal og Ungverjaland sem eru með Íslandi í riðli. Ísland mætir Ungverjum á þriðjudaginn og Portúgal í lokaumferðinni á föstudaginn.

Tvö efstu lið riðilsins komast áfram í átta liða úrslitin og fimm efstu liðin í lok mótsins fá þáttökurétt á Heimsmeistaramóti U17 sem fer fram í Brasilíu í haust.