Svekkjandi tap hjá strákunum

Íslenska U-17 ára liðið mátti sætta sig við svekkjandi tap, 2-1, gegn Ungverjum á EM í dag.

Ungverjar komust yfir á 31. mínútu og staðan 1-0 í hálfleik. Mikael Egill Ellertsson jafnaði metin eftir fimm mínútna leik í síðari hálfleik og hleypti lífi í leikinn.

Ungverjar skoruðu aftur á móti sigurmarkið á lokamínútu leiksins og tryggðu sér þar með sigur. Þeir eru því með fullt hús eftir tvo leiki en Ungverjar skelltu Portúgal í fyrsta leik.

Íslenska liðið er með þrjú stig eftir sigur gegn Rússum í fyrsta leik. Það mætir Portúgal í lokaleik riðlakeppninnar.