Elfar Freyr biður HK-inga afsökunar

Blikinn Elfar Freyr Helgason baðst afsökunar á því í dag að hafa sparkað í rassinn á fyrirliða HK, Leifi Andra Leifssyni, í leik liðanna um síðustu helgi.

Elfar Freyr missti sig í fagnaðarlátunum er Blikar jöfnuðu leikinn með flautumarki.

Bið alla Hk-inga afsökunar á að hafa sparkað í þeirra besta mann! https://t.co/QSKU7bzJHH

— Elfar Freyr Helgason (@elffhel) May 7, 2019

Hann byrjaði á því að sparka í bossann á Leifi, öskraði svo framan í markmann HK og negldi svo boltanum í burtu. Hann féll svo sjálfur í öllum látunum.

Eins og sjá má að ofan bað Elfar alla HK-inga afsökunar áðan en hér að neðan má sjá umrætt atvik.