Aðkoma ríkisstjórnar: Kynntu 42 aðgerðir til stuðnings lífskjarasamningnum Atli Ísleifsson skrifar 3. apríl 2019 23:21 Katrín Jakobsdóttir forsætisráðherra. vísir/vilhelm Ríkisstjórnin kynnti yfirlýsingu sína vegna lífskjarasamninga aðila vinnumarkaðarins á blaðamannafundi í Ráðherrabústaðnum í kvöld. Í tilkynningu frá forsætisráðuneytinu segir að um sé að ræða 42 aðgerðir og að heildarumfang á samningstímabilinu sé 80 milljarðar. Í plaggi stjórnarinnar segir að fæðingarorlof muni lengjast úr níu mánuðum í tíu mánuði í byrjun árs 2020 og í byrjun árs 2021 verði fæðingarorlof tólf mánuðir. Komið verði á fót þriggja þrepa skattkerfi með nýju lágtekjuþrepi. Er miðað við að sú aðgerð auki ráðstöfunartekjur tekjulægsta hópsins um tíu þúsund krónur á mánuði. Þá haldist skattleysismörk föst að raunvirði á innleiðingartímabilinu og að því loknu hækki persónuafsláttur og skattþrep umfram verðbólgu sem nemi framleiðniaukningu. Markvisst verði dregið úr samnýtingu sambúðaraðila á skattþrepum. Segir að samanlagt eigi breytingar á tekjuskattskerfi og barnabótum að geta aukið ráðstöfunartekjur fjögurra manna fjölskyldu um allt að 411 þúsund krónur á ári. Ríkisstjórnin kveðst ætla að ráðast í víðtækar aðgerðir í húsnæðismálum og uppbyggingu félagslegs húsnæðiskerfis. Þá skuli dregið úr vægi verðtryggingar og ný neytendalán miðist við vísitölu án húsnæðisliðar. Ráðast skal í markvissar aðgerðir gegn félagslegum undirboðum Barnabætur verði hækkaðar um 16 prósent og dregið úr skerðingum barnabóta fyrir tekjulægri en skerðingarmörk fara þá frá árinu 2018 úr 242 í 325 þúsund krónur. Þegar kemur að húsnæðismálum segir enn fremur að heimild skuli veitt til að ráðstafa megi 3,5 prósent lífeyrisiðgjalds skattfrjálst til húsnæðiskaupa. Sambúðarfólk með samtals 650.000 í mánaðarlaun gæti svo dæmi sé tekið valið að nýta 273.000 krónur árlega skattfrjálst til öflunar húsnæðis. Unnið skuli að því að óverðtryggð íbúðalán verði valkostur fyrir alla tekjuhópa. Heimild skuli veitt til að ráðstafa séreignarsparnaði inn á íbúðalán framlengd í tvö ár. Þá segir að ríki og sveitarfélög munu stuðla að verðstöðugleika með því að hækka ekki gjaldskrár umfram 2,5% árið 2020 og minna ef verðbólga er minni.Ásmundur Einar Daðason, félags- og barnamálaráðherra, kynnti aðgerðir stjórnvalda þegar kemur að úrræðum er varða kaup á fyrstu fasteign.Víðtæk sátt Haft er eftir Katrínu Jakobsdóttur forsætisráðherra að aðgerðir stjórnvalda og þeir samningar sem nú hafi náðst á vinnumarkaði séu grundvöllur víðtækrar sáttar. Skapi þeir forsendur fyrir bæði félagslegan og efnahagslegan stöðugleika til langs tíma. „Af hálfu stjórnvalda er um að ræða mikilvægar samfélagslegar umbætur, hvort sem um er að ræða réttlátara skattkerfi, uppbyggingu á félagslegu húsnæðiskerfi eða lengingu fæðingarorlofs; allt mun þetta styðja við aukna velsæld alls almennings og aukinn jöfnuð,“ segir Katrín.Ein allra stærstu skattaaðgerð seinni ára Í tilkynningunni á vef forsætisráðuneytisins er haft eftir Bjarna Benediktssyni, fjármála- og efnahagsráðherra, að stjórnvöld séu í færi til að styðja við ábyrga kjarasamninga vegna styrkrar stöðu ríkissjóðs. „Lækkun tryggingagjalds hefur nýlega verið lögfest og nú verða skattar á launatekjur lækkaðir í áföngum. Til verður nýtt lægra skattþrep sem tryggir mestan ávinning, 10.000 kr. á mánuði, til þeirra tekjulægstu á vinnumarkaði. Það er viðbótar skattalækkun fyrir þennan hóp frá því sem nýlega var kynnt. Heildaráhrifin eru til um 20 milljarða skattalækkunar sem jafngildir um 10% af heildarskattstofninum. Því er um að ræða eina allra stærstu skattaaðgerð seinni ára,“ segir Bjarni. Efnahagsmál Kjaramál Vinnumarkaður Mest lesið „Nú hættir þú Sigurður!“ Innlent Eldur Smári segir að sér sé markvisst haldið í myrkrinu Innlent Beittu neyðarstöðvun til að forðast árekstur við Herjólf Innlent Segir 60 mínútur hafa misst sjálfstæðið og hættir Erlent Barnaníðingur situr inni þar til hann verður sendur til Litáen Innlent Eigandi Paramount með puttana í umfjöllun 60 mínútna Erlent Valdatafl í Vatíkaninu: Hver verður næsti páfi? Erlent Beint flug milli Akureyrar og útlanda aldrei verið meira Innlent Sagður bjóða frið fyrir formlega eign á Krímskaga Erlent Úkraínufundinum í London frestað Erlent Fleiri fréttir Óeðlileg staða á íslenskum eignamarkaði Barnaníðingur situr inni þar til hann verður sendur til Litáen Meirihluti hefur litlar væntingar til borgarstjórnarmeirihlutans „Nú hættir þú Sigurður!“ Beittu neyðarstöðvun til að forðast árekstur við Herjólf Pakki skemmdist og „óafhending“ varð Eldur Smári segir að sér sé markvisst haldið í myrkrinu Beint flug milli Akureyrar og útlanda aldrei verið meira „Ég er mannleg“ Segir líklega langt í næsta gos við Sundhnúka Óþarfi að nota kauðslega þýdda málshætti í páskaeggin Lofar betra sumri en í fyrra Fagnar umræðu um þátttöku Ísraels og segir útspil ráðherra gagnlegt Oscar þori varla út úr húsi af ótta við að vera sendur úr landi Breytingar á gosvirkni, júró-þrýstingur og umdeildir málshættir Missti vélarafl suður af Snæfellsnesi Reiknar með að sækja útför Frans páfa Páskaeggjaframleiðandi fagnar gagnrýni á málshætti Vildi „tagga“ Frans páfa en niðurstaðan reyndist slysaleg „Hér hefur verið unninn skaði sem þarf að stöðva“ Landris heldur áfram en dregið hefur úr hraðanum „Skrítið og óeðlilegt“ að Ísrael fái að vera með í Eurovision Barn á óskoðuðum bíl á 151 kílómetra hraða Gallar í nýbyggingum: Eigendur nýrra íbúða eigi ríkari rétt Ráðherra ræðir þátttöku Ísraels í Eurovision Vill að allir flokkar hafi hlutverk í borgarstjórn Mótmæltu brottvísun Oscars við dómsmálaráðuneytið Reyndu að fá Ingu á sitt band með fötu af „extra crispy“ kjúklingavængjum Mjög gjarnan kölluð nasisti og fasisti Stöðvaður á 116 kílómetra hraða Sjá meira
Ríkisstjórnin kynnti yfirlýsingu sína vegna lífskjarasamninga aðila vinnumarkaðarins á blaðamannafundi í Ráðherrabústaðnum í kvöld. Í tilkynningu frá forsætisráðuneytinu segir að um sé að ræða 42 aðgerðir og að heildarumfang á samningstímabilinu sé 80 milljarðar. Í plaggi stjórnarinnar segir að fæðingarorlof muni lengjast úr níu mánuðum í tíu mánuði í byrjun árs 2020 og í byrjun árs 2021 verði fæðingarorlof tólf mánuðir. Komið verði á fót þriggja þrepa skattkerfi með nýju lágtekjuþrepi. Er miðað við að sú aðgerð auki ráðstöfunartekjur tekjulægsta hópsins um tíu þúsund krónur á mánuði. Þá haldist skattleysismörk föst að raunvirði á innleiðingartímabilinu og að því loknu hækki persónuafsláttur og skattþrep umfram verðbólgu sem nemi framleiðniaukningu. Markvisst verði dregið úr samnýtingu sambúðaraðila á skattþrepum. Segir að samanlagt eigi breytingar á tekjuskattskerfi og barnabótum að geta aukið ráðstöfunartekjur fjögurra manna fjölskyldu um allt að 411 þúsund krónur á ári. Ríkisstjórnin kveðst ætla að ráðast í víðtækar aðgerðir í húsnæðismálum og uppbyggingu félagslegs húsnæðiskerfis. Þá skuli dregið úr vægi verðtryggingar og ný neytendalán miðist við vísitölu án húsnæðisliðar. Ráðast skal í markvissar aðgerðir gegn félagslegum undirboðum Barnabætur verði hækkaðar um 16 prósent og dregið úr skerðingum barnabóta fyrir tekjulægri en skerðingarmörk fara þá frá árinu 2018 úr 242 í 325 þúsund krónur. Þegar kemur að húsnæðismálum segir enn fremur að heimild skuli veitt til að ráðstafa megi 3,5 prósent lífeyrisiðgjalds skattfrjálst til húsnæðiskaupa. Sambúðarfólk með samtals 650.000 í mánaðarlaun gæti svo dæmi sé tekið valið að nýta 273.000 krónur árlega skattfrjálst til öflunar húsnæðis. Unnið skuli að því að óverðtryggð íbúðalán verði valkostur fyrir alla tekjuhópa. Heimild skuli veitt til að ráðstafa séreignarsparnaði inn á íbúðalán framlengd í tvö ár. Þá segir að ríki og sveitarfélög munu stuðla að verðstöðugleika með því að hækka ekki gjaldskrár umfram 2,5% árið 2020 og minna ef verðbólga er minni.Ásmundur Einar Daðason, félags- og barnamálaráðherra, kynnti aðgerðir stjórnvalda þegar kemur að úrræðum er varða kaup á fyrstu fasteign.Víðtæk sátt Haft er eftir Katrínu Jakobsdóttur forsætisráðherra að aðgerðir stjórnvalda og þeir samningar sem nú hafi náðst á vinnumarkaði séu grundvöllur víðtækrar sáttar. Skapi þeir forsendur fyrir bæði félagslegan og efnahagslegan stöðugleika til langs tíma. „Af hálfu stjórnvalda er um að ræða mikilvægar samfélagslegar umbætur, hvort sem um er að ræða réttlátara skattkerfi, uppbyggingu á félagslegu húsnæðiskerfi eða lengingu fæðingarorlofs; allt mun þetta styðja við aukna velsæld alls almennings og aukinn jöfnuð,“ segir Katrín.Ein allra stærstu skattaaðgerð seinni ára Í tilkynningunni á vef forsætisráðuneytisins er haft eftir Bjarna Benediktssyni, fjármála- og efnahagsráðherra, að stjórnvöld séu í færi til að styðja við ábyrga kjarasamninga vegna styrkrar stöðu ríkissjóðs. „Lækkun tryggingagjalds hefur nýlega verið lögfest og nú verða skattar á launatekjur lækkaðir í áföngum. Til verður nýtt lægra skattþrep sem tryggir mestan ávinning, 10.000 kr. á mánuði, til þeirra tekjulægstu á vinnumarkaði. Það er viðbótar skattalækkun fyrir þennan hóp frá því sem nýlega var kynnt. Heildaráhrifin eru til um 20 milljarða skattalækkunar sem jafngildir um 10% af heildarskattstofninum. Því er um að ræða eina allra stærstu skattaaðgerð seinni ára,“ segir Bjarni.
Efnahagsmál Kjaramál Vinnumarkaður Mest lesið „Nú hættir þú Sigurður!“ Innlent Eldur Smári segir að sér sé markvisst haldið í myrkrinu Innlent Beittu neyðarstöðvun til að forðast árekstur við Herjólf Innlent Segir 60 mínútur hafa misst sjálfstæðið og hættir Erlent Barnaníðingur situr inni þar til hann verður sendur til Litáen Innlent Eigandi Paramount með puttana í umfjöllun 60 mínútna Erlent Valdatafl í Vatíkaninu: Hver verður næsti páfi? Erlent Beint flug milli Akureyrar og útlanda aldrei verið meira Innlent Sagður bjóða frið fyrir formlega eign á Krímskaga Erlent Úkraínufundinum í London frestað Erlent Fleiri fréttir Óeðlileg staða á íslenskum eignamarkaði Barnaníðingur situr inni þar til hann verður sendur til Litáen Meirihluti hefur litlar væntingar til borgarstjórnarmeirihlutans „Nú hættir þú Sigurður!“ Beittu neyðarstöðvun til að forðast árekstur við Herjólf Pakki skemmdist og „óafhending“ varð Eldur Smári segir að sér sé markvisst haldið í myrkrinu Beint flug milli Akureyrar og útlanda aldrei verið meira „Ég er mannleg“ Segir líklega langt í næsta gos við Sundhnúka Óþarfi að nota kauðslega þýdda málshætti í páskaeggin Lofar betra sumri en í fyrra Fagnar umræðu um þátttöku Ísraels og segir útspil ráðherra gagnlegt Oscar þori varla út úr húsi af ótta við að vera sendur úr landi Breytingar á gosvirkni, júró-þrýstingur og umdeildir málshættir Missti vélarafl suður af Snæfellsnesi Reiknar með að sækja útför Frans páfa Páskaeggjaframleiðandi fagnar gagnrýni á málshætti Vildi „tagga“ Frans páfa en niðurstaðan reyndist slysaleg „Hér hefur verið unninn skaði sem þarf að stöðva“ Landris heldur áfram en dregið hefur úr hraðanum „Skrítið og óeðlilegt“ að Ísrael fái að vera með í Eurovision Barn á óskoðuðum bíl á 151 kílómetra hraða Gallar í nýbyggingum: Eigendur nýrra íbúða eigi ríkari rétt Ráðherra ræðir þátttöku Ísraels í Eurovision Vill að allir flokkar hafi hlutverk í borgarstjórn Mótmæltu brottvísun Oscars við dómsmálaráðuneytið Reyndu að fá Ingu á sitt band með fötu af „extra crispy“ kjúklingavængjum Mjög gjarnan kölluð nasisti og fasisti Stöðvaður á 116 kílómetra hraða Sjá meira