Blóðmör er sigurvegari Músíktilrauna 2019

Úrslitakvöld Músíktilrauna 2019 fór fram í Norðurljósum í Hörpu í kvöld. Hljómsveitin Blóðmör bar sigur úr býtum í þetta skipti og fetar því í fótspor sveita á borð við Of Monsters and Men, Vök, XXX Rottweiler hunda, Ateria og Agent Fresco, svo einhver siguratriði séu nefnd.

Hljómsveitina Blóðmör skipa þeir Haukur Þór Valdimarsson, Matthías Stefánsson og Ísak Þorsteinsson, á vefsíðu Músiktilrauna kemur fram að hljómsveitin, sem kemur frá Kópavogi, hafi starfað frá hausti ársins 2016.

Í öðru sæti var hljómsveitin Konfekt, skipuð þeim Evu Kolbrúnu Kolbeins, Önnu Ingibjörgu Þorgeirsdóttur og Stefaníu Helgu Sigurðardóttur. Í þriðja sæti var Ásta Kristín Pjetursdóttir.

Fleiri verðlaun voru að sjálfsögðu veitt og þau hlutu:

Hljómsveit fólksins

Karma Brigade



Söngvari Músíktilrauna

Anna Ingibjörg Þorgeirsdóttir - Konfekt

Gítarleikari Músíktilrauna

Haukur Þór Valdimarsson – Blóðmör

Bassaleikari Músíktilrauna

Tumi Hrannar Pálmason - Flammeus

Hljómborðsleikari Músíktilrauna

Guðjón Jónsson - Flammeus

Trommuleikari Músíktilrauna

Eva Kolbrún Kolbeins – Konfekt

Rafheili Músíktilrauna

Guðlaug Sóley Höskuldsdóttir - gugusar

Viðurkenning fyirir textagerð á íslensku

Ásta Kristín Pjetursdóttir - Ásta

Blúsaðasta bandið

Stefan Thormar