Innherjasvik í Icelandair: Segir sekt Kjarra Sambó alls ekki blasa við Stefán Ó. Jónsson skrifar 24. janúar 2019 15:20 Kjartan Bergur Jónsson, sem gengur undir ýmsum viðurnefnum tengdum lakkrís, gaf skýrslu í dómssal í gær. FBL/Stefán Ákæran á hendur Kjartani Bergi Jónssyni er svo furðuleg að það hvarflaði að honum að fara fram á frávísun málsins, að sögn Gríms Sigurðarsonar verjanda hans. Kjartan Bergur hafi þó að endingu viljað fara fram á að vera sýknaður, í eitt skipti fyrir öll. Kjartan Bergur er einn þriggja sem ákærður er í innherjasvikamáli Icelandair. Honum er gefið að sök að eiga hlutdeild í málinu fyrir að hafa þegið ráðgjöf um valréttarviðskipti sem byggði á innherjaupplýsingum sem Kjartan Jónsson útvegaði Kristjáni Georg Jósteinssyni. „Hann er því ekki ákærður fyrir viðskipti sem hann átti í, heldur hlutdeild í meintri ráðleggingu Kristjáns,“ sagði verjandi Kjartans Bergs og bætti við að skjólstæðingur sinn hafi í raun aldrei áttað sig á því sem hann var sagður sekur um. Svo undarleg þætti honum ákæran. „Sekt hans blasir alls ekki við.“ Fram kom í málflutningi saksóknara að Kjartan Bergur hefði átt í samskiptum við Kristján Georg í gegnum samskiptaforritið Viber þar sem hann kallaði sig „Kjarra Sambo“. Kjartan þekkir vel til í sælgætisbransanum þar sem hann hefur meðfram hótelrekstri starfað hjá Kólus sem framleiðir sælgæti meðal annars undir vörumerkinu Sambó. Er Kjartan stundum kallaður Lakkrísprinsinn eða Kjarri Kólus. Grímur lagði ríka áherslu á að Kjartan Bergur væri enginn aukvisi í fjármálum. Þvert á móti ætti hann tvö fyrirtæki sem rækju sitthvort hótelið og ætti tvær íbúðir sem á hvíldu engin veð. Þess vegna hafi ákvörðun hans um að næla sér í valréttarsamning með bréf í Icelandair verið algjörlega að hans frumkvæði. Þó væri rétt, eins og fram kom í skýrslum þeirra beggja, að þeir Kristján Georg og Kjartan Bergur hafi rætt um sambærilegan samning þess fyrrnefnda, sem Kristján Georg lýsti sem „góðu veðmáli.“ Hins vegar hafi Kjartan Bergur ekki byggt ákvörðun sína á ráðleggingum Kristjáns, heldur á þeirri stöðu sem komin var upp í þjóðarbúinu. Hann hefði fundið það hvernig styrkur krónunnar bitnaði á hótelrekstri sínum og áætlaði því að fleiri í ferðamannaiðnaðinum, eins og Icelandair, væru að eiga í sama vanda. Það hafi verið ástæðan fyrir því að hann tók áhættuna og gerði samning sem fól í sér hagnað ef hlutabréfaverð í Icelandair myndi lækka. Þannig mótmælti Grímur því sem fram kom í máli saksóknara, að það væri ótrúverðugt að Kjartan Bergur væri líklegur til að taka áhættu. Þvert á móti hefði þessi tiltekni samningur verið með mjög afmarkaða áhættu. Kjartan Bergur væri áhættusækinn, maður sem stekkur á góð viðskiptatækifæri „Menn sem taka áhættur eru þeir sem gera svona samninga.“ Það væri því ekki ótrúlegt að hann hafi ráðist í gerð þessa samnings, eins og ákæruvaldið hélt fram. Þess vegna væri fjarstæðukennt af saksóknara að láta það hljóma eins og Kjartan Bergur hafi verið viljalaust verkfæri í höndum Kristjáns Georgs – þegar hin meinta ráðlegging yfir hádegismatnum á að hafa átt sér stað. „Hann lét það hljóma eins og hann hefði verið leikskólabarn í taumi,“ sagði Grímur. Það væri hins vegar alrangt, Kjartan Bergur hefði verið lengi í rekstri og vissi sitt hvað um fjármál. Það að hann hafi tekið mynd af innihaldi valréttarsamnings Kristjáns Georgs, sem hann sýndi svo verðbréfamiðlaranum sem aðstoðaði hann við gerð eigin samnings, væri aðeins til marks um það að hann hafi viljað gera samninginn „eftir kúnstarinnar reglum.“ Að sama skapi mótmælti Grímur því að Kjartan Bergur hafi vitað um störf nafna síns, Kjartans Jónssonar, fyrir Icelandair – hvað þá hvaða stöðu hann gegndi innan fyrirtækisins. Uppi er vafi um hvort það hafi borið á góma í margumtalaðri ferð þeirra á bardagakvöld í Dublin í lok árs 2016. „Það var aldrei sannað að hann hafi vitað þetta,“ sagði Grímur. Að endingu minnti Grímur á að framburður Kjartans Bergs hefði verið eins, allt frá upphafi, auk þess sem öll hans framkoma hefði einkennst af einskærri kurteisi. Að þessu sögðu taldi Grímur að það eina rétta í stöðunni væri að sýkna Kjartan og láta ríkissjóð greiða allan málskostnað. Dómsmál Icelandair Innherjasvik hjá Icelandair Tengdar fréttir Innherjasvik í Icelandair: Minnti á að reynsluboltinn í kampavínsklúbbsrekstri væri fjölskyldumaður Reimar Snæfell Pétursson fer fram á sýknudóm yfir Kristjáni Georgi Jósteinssyni. 24. janúar 2019 14:34 Innherjasvik í Icelandair: „Ef það lítur út eins og önd...“ Að sögn saksóknara byggði sönnunarfærsla í svona málum því oftar en ekki á óbeinni sönnun, sem telst þó fullgild sönnun samkvæmt íslenskum lögum. Ef það lítur út eins og önd, labbar eins og önd og kvakar eins og önd – þá er það líklega önd, eins og Finnur komst að orði. 24. janúar 2019 11:32 „Áður en öndin talar eða gengur þá verður að finna öndina“ Jónas Friðrik Jónsson, verjandi Kjartans Jónssonar, segir að ákæruvaldinu hafi mistekist að renna stoðum undir nokkur lykilatriði, sem þyrftu að vera til staðar svo að hægt sé að sakfella skjólstæðing sinn. 24. janúar 2019 13:34 Mest lesið Þau keyptu fyrir tuttugu milljónir í útboðinu Viðskipti innlent Birta lista yfir kaupendur: Á annað þúsund keypti fyrir tuttugu milljónir Viðskipti innlent Auður hefur innreið sína á húsnæðislánamarkað Viðskipti innlent Fasteignamat hækkar um 9,2 prósent á milli ára Viðskipti innlent „Grindavíkuráhrifin“ leiða til talsverðrar hækkunar hjá nágrönnum Viðskipti innlent Kvika vinsælasta stelpan á ballinu Viðskipti innlent Hringrásin: „Ég er með blæti fyrir gömlu timbri“ Atvinnulíf Sameining við Kviku banka mun taka langan tíma Viðskipti innlent Bein útsending: Fasteignamat 2026 kynnt Viðskipti innlent Kastrup og Jón Mýrdal hafa skilið skiptum Viðskipti innlent Fleiri fréttir Annar banki býður betra verð en hinn með sömu eigendur Þau keyptu fyrir tuttugu milljónir í útboðinu Sameining við Kviku banka mun taka langan tíma „Grindavíkuráhrifin“ leiða til talsverðrar hækkunar hjá nágrönnum Indó skoraði hæst í Sjálfbærniásnum Fasteignamat hækkar um 9,2 prósent á milli ára Bein útsending: Fasteignamat 2026 kynnt Verðbólga lækkar um 0,4 stig Kvika vinsælasta stelpan á ballinu Bein útsending: Viðurkenningarhátíð Sjálfbærniássins Auður hefur innreið sína á húsnæðislánamarkað Vextir lækka hjá Íslandsbanka Lokun kísilvers á Bakka: „Þetta er grátbölvað“ Arion vill sameinast Kviku Birta lista yfir kaupendur: Á annað þúsund keypti fyrir tuttugu milljónir Bein útsending: Ársfundur Samáls Vilja að stjórnvöld greiði leið kísilversins á Bakka Play tekur flugið til Agadir Halla nýr yfirlögfræðingur Emblu Medical Stöðva rekstur á Bakka í júlí og segja 80 manns upp störfum Heimar mega kaupa Grósku Tap útgerðarinnar vegna fjárfestinga í fiskeldi nemur milljörðum 4,5 milljarða hagnaður á fyrsta ársfjórðungi Kastrup og Jón Mýrdal hafa skilið skiptum Ráðin forstöðumaður söludeildar TVG-Zimsen Ný forysta Félags kvenna í atvinnulífinu kjörin Alcoa fellur frá þriggja milljarða króna skaðabótakröfu Högnuðust ríkulega en draga samt saman seglin í heimabyggð Íslendingar vongóðir um að finna heitt vatn á Tenerife Kaupa fasteignirnar sem hýsa starfsemi Samskipa Sjá meira
Ákæran á hendur Kjartani Bergi Jónssyni er svo furðuleg að það hvarflaði að honum að fara fram á frávísun málsins, að sögn Gríms Sigurðarsonar verjanda hans. Kjartan Bergur hafi þó að endingu viljað fara fram á að vera sýknaður, í eitt skipti fyrir öll. Kjartan Bergur er einn þriggja sem ákærður er í innherjasvikamáli Icelandair. Honum er gefið að sök að eiga hlutdeild í málinu fyrir að hafa þegið ráðgjöf um valréttarviðskipti sem byggði á innherjaupplýsingum sem Kjartan Jónsson útvegaði Kristjáni Georg Jósteinssyni. „Hann er því ekki ákærður fyrir viðskipti sem hann átti í, heldur hlutdeild í meintri ráðleggingu Kristjáns,“ sagði verjandi Kjartans Bergs og bætti við að skjólstæðingur sinn hafi í raun aldrei áttað sig á því sem hann var sagður sekur um. Svo undarleg þætti honum ákæran. „Sekt hans blasir alls ekki við.“ Fram kom í málflutningi saksóknara að Kjartan Bergur hefði átt í samskiptum við Kristján Georg í gegnum samskiptaforritið Viber þar sem hann kallaði sig „Kjarra Sambo“. Kjartan þekkir vel til í sælgætisbransanum þar sem hann hefur meðfram hótelrekstri starfað hjá Kólus sem framleiðir sælgæti meðal annars undir vörumerkinu Sambó. Er Kjartan stundum kallaður Lakkrísprinsinn eða Kjarri Kólus. Grímur lagði ríka áherslu á að Kjartan Bergur væri enginn aukvisi í fjármálum. Þvert á móti ætti hann tvö fyrirtæki sem rækju sitthvort hótelið og ætti tvær íbúðir sem á hvíldu engin veð. Þess vegna hafi ákvörðun hans um að næla sér í valréttarsamning með bréf í Icelandair verið algjörlega að hans frumkvæði. Þó væri rétt, eins og fram kom í skýrslum þeirra beggja, að þeir Kristján Georg og Kjartan Bergur hafi rætt um sambærilegan samning þess fyrrnefnda, sem Kristján Georg lýsti sem „góðu veðmáli.“ Hins vegar hafi Kjartan Bergur ekki byggt ákvörðun sína á ráðleggingum Kristjáns, heldur á þeirri stöðu sem komin var upp í þjóðarbúinu. Hann hefði fundið það hvernig styrkur krónunnar bitnaði á hótelrekstri sínum og áætlaði því að fleiri í ferðamannaiðnaðinum, eins og Icelandair, væru að eiga í sama vanda. Það hafi verið ástæðan fyrir því að hann tók áhættuna og gerði samning sem fól í sér hagnað ef hlutabréfaverð í Icelandair myndi lækka. Þannig mótmælti Grímur því sem fram kom í máli saksóknara, að það væri ótrúverðugt að Kjartan Bergur væri líklegur til að taka áhættu. Þvert á móti hefði þessi tiltekni samningur verið með mjög afmarkaða áhættu. Kjartan Bergur væri áhættusækinn, maður sem stekkur á góð viðskiptatækifæri „Menn sem taka áhættur eru þeir sem gera svona samninga.“ Það væri því ekki ótrúlegt að hann hafi ráðist í gerð þessa samnings, eins og ákæruvaldið hélt fram. Þess vegna væri fjarstæðukennt af saksóknara að láta það hljóma eins og Kjartan Bergur hafi verið viljalaust verkfæri í höndum Kristjáns Georgs – þegar hin meinta ráðlegging yfir hádegismatnum á að hafa átt sér stað. „Hann lét það hljóma eins og hann hefði verið leikskólabarn í taumi,“ sagði Grímur. Það væri hins vegar alrangt, Kjartan Bergur hefði verið lengi í rekstri og vissi sitt hvað um fjármál. Það að hann hafi tekið mynd af innihaldi valréttarsamnings Kristjáns Georgs, sem hann sýndi svo verðbréfamiðlaranum sem aðstoðaði hann við gerð eigin samnings, væri aðeins til marks um það að hann hafi viljað gera samninginn „eftir kúnstarinnar reglum.“ Að sama skapi mótmælti Grímur því að Kjartan Bergur hafi vitað um störf nafna síns, Kjartans Jónssonar, fyrir Icelandair – hvað þá hvaða stöðu hann gegndi innan fyrirtækisins. Uppi er vafi um hvort það hafi borið á góma í margumtalaðri ferð þeirra á bardagakvöld í Dublin í lok árs 2016. „Það var aldrei sannað að hann hafi vitað þetta,“ sagði Grímur. Að endingu minnti Grímur á að framburður Kjartans Bergs hefði verið eins, allt frá upphafi, auk þess sem öll hans framkoma hefði einkennst af einskærri kurteisi. Að þessu sögðu taldi Grímur að það eina rétta í stöðunni væri að sýkna Kjartan og láta ríkissjóð greiða allan málskostnað.
Dómsmál Icelandair Innherjasvik hjá Icelandair Tengdar fréttir Innherjasvik í Icelandair: Minnti á að reynsluboltinn í kampavínsklúbbsrekstri væri fjölskyldumaður Reimar Snæfell Pétursson fer fram á sýknudóm yfir Kristjáni Georgi Jósteinssyni. 24. janúar 2019 14:34 Innherjasvik í Icelandair: „Ef það lítur út eins og önd...“ Að sögn saksóknara byggði sönnunarfærsla í svona málum því oftar en ekki á óbeinni sönnun, sem telst þó fullgild sönnun samkvæmt íslenskum lögum. Ef það lítur út eins og önd, labbar eins og önd og kvakar eins og önd – þá er það líklega önd, eins og Finnur komst að orði. 24. janúar 2019 11:32 „Áður en öndin talar eða gengur þá verður að finna öndina“ Jónas Friðrik Jónsson, verjandi Kjartans Jónssonar, segir að ákæruvaldinu hafi mistekist að renna stoðum undir nokkur lykilatriði, sem þyrftu að vera til staðar svo að hægt sé að sakfella skjólstæðing sinn. 24. janúar 2019 13:34 Mest lesið Þau keyptu fyrir tuttugu milljónir í útboðinu Viðskipti innlent Birta lista yfir kaupendur: Á annað þúsund keypti fyrir tuttugu milljónir Viðskipti innlent Auður hefur innreið sína á húsnæðislánamarkað Viðskipti innlent Fasteignamat hækkar um 9,2 prósent á milli ára Viðskipti innlent „Grindavíkuráhrifin“ leiða til talsverðrar hækkunar hjá nágrönnum Viðskipti innlent Kvika vinsælasta stelpan á ballinu Viðskipti innlent Hringrásin: „Ég er með blæti fyrir gömlu timbri“ Atvinnulíf Sameining við Kviku banka mun taka langan tíma Viðskipti innlent Bein útsending: Fasteignamat 2026 kynnt Viðskipti innlent Kastrup og Jón Mýrdal hafa skilið skiptum Viðskipti innlent Fleiri fréttir Annar banki býður betra verð en hinn með sömu eigendur Þau keyptu fyrir tuttugu milljónir í útboðinu Sameining við Kviku banka mun taka langan tíma „Grindavíkuráhrifin“ leiða til talsverðrar hækkunar hjá nágrönnum Indó skoraði hæst í Sjálfbærniásnum Fasteignamat hækkar um 9,2 prósent á milli ára Bein útsending: Fasteignamat 2026 kynnt Verðbólga lækkar um 0,4 stig Kvika vinsælasta stelpan á ballinu Bein útsending: Viðurkenningarhátíð Sjálfbærniássins Auður hefur innreið sína á húsnæðislánamarkað Vextir lækka hjá Íslandsbanka Lokun kísilvers á Bakka: „Þetta er grátbölvað“ Arion vill sameinast Kviku Birta lista yfir kaupendur: Á annað þúsund keypti fyrir tuttugu milljónir Bein útsending: Ársfundur Samáls Vilja að stjórnvöld greiði leið kísilversins á Bakka Play tekur flugið til Agadir Halla nýr yfirlögfræðingur Emblu Medical Stöðva rekstur á Bakka í júlí og segja 80 manns upp störfum Heimar mega kaupa Grósku Tap útgerðarinnar vegna fjárfestinga í fiskeldi nemur milljörðum 4,5 milljarða hagnaður á fyrsta ársfjórðungi Kastrup og Jón Mýrdal hafa skilið skiptum Ráðin forstöðumaður söludeildar TVG-Zimsen Ný forysta Félags kvenna í atvinnulífinu kjörin Alcoa fellur frá þriggja milljarða króna skaðabótakröfu Högnuðust ríkulega en draga samt saman seglin í heimabyggð Íslendingar vongóðir um að finna heitt vatn á Tenerife Kaupa fasteignirnar sem hýsa starfsemi Samskipa Sjá meira
Innherjasvik í Icelandair: Minnti á að reynsluboltinn í kampavínsklúbbsrekstri væri fjölskyldumaður Reimar Snæfell Pétursson fer fram á sýknudóm yfir Kristjáni Georgi Jósteinssyni. 24. janúar 2019 14:34
Innherjasvik í Icelandair: „Ef það lítur út eins og önd...“ Að sögn saksóknara byggði sönnunarfærsla í svona málum því oftar en ekki á óbeinni sönnun, sem telst þó fullgild sönnun samkvæmt íslenskum lögum. Ef það lítur út eins og önd, labbar eins og önd og kvakar eins og önd – þá er það líklega önd, eins og Finnur komst að orði. 24. janúar 2019 11:32
„Áður en öndin talar eða gengur þá verður að finna öndina“ Jónas Friðrik Jónsson, verjandi Kjartans Jónssonar, segir að ákæruvaldinu hafi mistekist að renna stoðum undir nokkur lykilatriði, sem þyrftu að vera til staðar svo að hægt sé að sakfella skjólstæðing sinn. 24. janúar 2019 13:34