Ragnheiður Sara Sigmundsdóttir og Björgvin Karl Guðmundsson stóðu sig bæði mjög vel í þrautarbrautinni sem var fimmta greinin á alþjóðlega CrossFit mótinu í Dúbaí.
Ragnheiður Sara Sigmundsdóttir hélt áfram að nálgast efstu konur en Sara er núna aðeins tveimur stigum frá þriðja sætinu eftir að hafa náð öðru sæti í fimmtu greininni.
Björgvin Karl Guðmundsson er áfram í þriðja sætinu í karlaflokki eftir að hafa náð öðru sætunu í grein fimm. Björgvin er aðeins sjö stigum á eftir Willy Georges sem er annar en Mathew Fraser eykur nú forskot sitt í hverri grein.
Björgvin Karl kláraði þrautabrautina á 6 mínútum og 29 sekúndum en Mathew Fraser vann greinina á 6 mínútum og 16 sekúndum.
Sara fékk 95 stig fyrir þrautarbrautina sem hún kláraði á 7 mínútum og 21 sekúndu. Hún er núna með 388 stig en næst á undan henni er Karin Frey með 390 stig.
Samantha Briggs missti efsta sætið til Jamie Greene en Greena vann fimmtu greinina á 6 mínútum og 27 sekúndum. Jamie Greene er með 418 stig en Briggs, sem hefur verið í forystu allt mótið er nú með 414 stig
Þriðji íslenski keppandinn, Oddrún Eik Gylfadóttir, stóð sig einnig mjög vel og tók fjórða sætið á 7 mínútum og 57 sekúndum. Hún komst fyrir vikið upp í níunda sætið.
Sara og Björgvin Karl bæði í öðru sæti í fimmtu greininni í Dúbaí

Tengdar fréttir

Sara hækkaði sig um tvö sæti en Björgvin Karl datt niður um eitt
Ragnheiður Sara Sigmundsdóttir er komin upp í fjórða sætið eftir fjórðu grein á alþjóðlega CrossFit mótinu í Dúbaí. Björgvin Karl Guðmundsson datt niður í þriðja sætið.

Beint: Baráttan í Dúbaí um laust sæti á heimsleikunum í CrossFit
Í dag er þriðji keppnisdagur alþjóðlega CrossFit mótinu í Dúbaí þar sem þrír Íslendingar keppa í ár og það er hægt að fylgjast með í beinni útsendingu á Vísi.

Björgvin Karl upp í annað sætið eftir eyðimerkurhlaupið
Björgvin Karl Guðmundsson hækkaði sig um eitt sæti á öðrum keppnisdeginum á Crossfit mótinu í Dúbaí en mótið heitir Dubai CrossFit Championship. Ragnheiður Sara Sigmundsdóttir er áfram í sjötta sæti og Oddrún Eik Gylfadóttir er níunda.