Þrír handteknir vegna tveggja kílóa af kannabis frá Kanada

Tollyfirvöld í Kanada uppgötvuðu á dögunum rúm tvö kíló af kannabisefnum sem flytja átti til Íslands. Í kjölfar rannsóknar Lögreglunnar á höfuðborgarsvæðinu hafa tvær húsleitir verið framkvæmdar hér á landi. Samkvæmt tilkynningu frá lögreglunni fannst nokkuð magn matamfetamíns og hafa þrír karlmenn á þrítugsaldri verið handteknir.

Þeim var þó sleppt úr haldi eftir skýrslutökur og segir lögreglan málið að mestu upplýst.

Þetta er önnur sendingin af kannabisefnum frá Kanada sem lögreglan hefur komist á snoðir um á árinu. Í fyrri sendingunni var hald lagt á rúm þrettán kíló.