Tuttugu og fjögurra marka sigur Vals

Valur komst örugglega áfram í aðra umferð Coca cola bikars kvenna í handbolta í dag með 24 marka sigri á Gróttu á Seltjarnarnesi.

Staðan í hálfleik var 8-14 fyrir Valskonum en í seinni hálfleik settu gestirnir í annan gír og völtuðu yfir Gróttu. Lokastaðan varð 13-37.

Allir tólf útileikmenn Vals skoruðu mark í leiknum. Íris Ásta Pétursdóttir var þeirra markahæst með átta mörk. Auður Ester Gestsdóttir gerði 6.

Í liði Gróttu skoraði Katrín Helga Sigurbergsdóttir 4 mörk og Eva Kolbrún Kolbeins 3.