Borgarstjóri sagði enga eineltisrannsókn í gangi vegna máls fjármálastjórans Birgir Olgeirsson skrifar 5. september 2018 08:36 Dagur B. Eggertsson í ræðustól. Vísir/Anton Brink Ekki stendur yfir rannsókn um einelti af hálfu skrifstofustjóra skrifstofu borgarstjóra og borgarritara á hendur fjármálastjóra Ráðhúss Reykjavíkur. Þetta upplýsti Dagur B. Eggertsson borgarstjóri á fundi borgarstjórnar í gær. Skrifstofustjórinn hafði veitt fjármálastjóranum áminningu en fjármálastjórinn ákvað að höfða mál fyrir Héraðsdómi Reykjavíkur sem felldi áminninguna úr gildi. Reykjavíkurborg var dæmd til greiðslu bóta og ákvað að áfrýja ekki. Hins vegar ákvað skrifstofustjórinn að fara fram á að ásakanir um einelti af hálfu fjármálastjórans yrðu kannaðar.Lögmaður fjármálastjórans hefur sent borginni bréf þar sem er farið fram á að látið verði af þeirri könnun því fjármálastjórinn líti ekki á málið sem eineltismál og hefði ekki farið fram á slíka könnun. Vigdís Hauksdóttir, borgarfulltrúi Miðflokksins, kallaði eftir því á fundi borgarstjórnar í gær að látið yrði af þessari rannsókn og það yrði útkljáð strax um morguninn eftir borgarstjórnarfund og þeir sem beri ábyrgð á málinu axli hana. Ummæli um einelti látin falla fyrir dómi Dagur B. Eggertsson sagði að um væri að ræða viðkvæmt starfsmannamál en því yrði að halda til haga að beiðni um athugun á því hvort um einelti væri að ræða kom frá yfirmanni fjármálastjórans. Sú beiðni hafi komið fram í kjölfar athugasemda sem fjármálastjórinn lét falla í vitnaleiðslum í málinu áður en dómurinn féll. Dagur sagði fjármálastjórann líta svo á að hann hefði aldrei lagt fram eineltiskvörtun, hann hafi aldrei haldið því fram að um einelti væri að ræða og vill þess vegna ekki málið sé kannað sem einelti. Sagðist borgarstjóri geta tekið undir með Vigdísi að þeim þætti málsins ætti þar með að ljúka og það hafi reyndar verið upplýsti í borgarráði. Hann sagði að samkvæmt ferlum þurfi að ljúka þessu máli og þá megi segja að markmiðinu hafi verið náð, það er að hreinsa skrifstofustjórann af ásökunum um að einelti væri að ræða.Vigdís Hauksdóttir, borgarfulltrúi Miðflokksins.Vísir/VilhelmSagði Vigdís hafa varið sumrinu í að ræða einelti Borgarstjóri sagði að hvorugur þessara aðila, fjármálastjórinn og skrifstofustjórinn, ætti í deilum um hvort eineltismál væri að ræða en borgarstjóri benti á að Vigdís Hauksdóttir hefði hins vegar varið sumrinu í að ræða málið sem eineltismál og að um dóm í eineltismáli væri að ræða. „Og það er svolítið magnað að borgarfulltrúinn geti síðan staðið hér í ræðustól og lesið hvert bréfið á fætur öðru sem fjallar um það að þetta sé ekki einmitt eineltismál, án þess að átta sig á sínum hlut í að koma því orði á,“ sagði Dagur. Hann sagði Vigdísi ekki hafa dregið þau ummæli sín til baka þó að maður gangi undir manns hönd til að upplýsa að ekki sé um eineltismál sé að ræða. Sagðist Dagur hafa þá trú að þessi þáttur málsins fái farsæla niðurstöðu en sagðist ekki átta sig á því hvers vegna Vigdís hefði ákveðið að gera það að umtalsefni á pólitískum vettvangi.Skammaði borgarfulltrúa vegna gríns á kostnað starfsmanns Fyrr í umræðunni minntist Vigdís á að hún vonaði að Dagur sýndi málinu jafn mikla umhyggju og hann sýndi borgarstarfsmanni sem sást vökva pottablóm í rigningu í borginni fyrr í sumar. Þar vitnaði Vigdís í ummæli Dags á fundi borgarstjórnar þar sem hann lét Vigdísi og Eyþór Arnalds, oddvita Sjálfstæðisflokksins, heyra það vegna myndar sem þau birtu á samfélagsmiðlum af umræddu starfsmanni. Dagur sagði það ekki sæmandi kjörnum fulltrúum að beina spjótum sínum að almennum starfsmönnum þannig að fólk geti skilið það svo að það sé verið að gera lítið úr því. Sagði hann þetta starfsfólk ekki geta borið hönd fyrir höfuð sér, eigi erfitt með það í opinberri umræðu og á þeim vettvangi sem borgarfulltrúar starfa. Lýsti viðhorfi til starfsfólks Nefndi Dagur einnig að hæðst hefði verið að starfsmönnum sem þurrka af borðum eftir fundir og sæju um kaffiveitingar. Varðandi starfsmanninn sem var að vökva pottablóm í rigningu, þá benti Dagur á að starfsmaðurinn hefði verið nýbúinn að gróðursetja plönturnar og þá sé ekki nóg að láta rigna á þær, heldur þurfi rakinn að ná alveg niður að rótum og gegnbleyta þær. Þannig séu leiðbeiningar garðyrkjudeildar Reykjavíkurborgar. Sagði Dagur þessa framgöngu borgarfulltrúanna fyrir neðan allar hellur, ekki af því að hún lýsi skorti á innsýn í garðyrkjustörf, heldur viðhorfi til almenns starfsfólks hjá borginni. Mest lesið Ekki séð neitt þessu líkt á sínum fjörutíu ára ferli Innlent Sagði til myndbönd af Matthíasi að berja menn í tálbeituaðgerðum Innlent Grunaður hraðbankaþjófur nennti ekki með austur nóttina örlagaríku Innlent Mannskæð skotárás í skóla í Bandaríkjunum Erlent Glímdi við veikindi fyrir andlátið sem breyttu persónuleika hans Innlent Ekkja hins látna: „Hann var enginn barnaperri“ Innlent „Tesla er ekki málið til að standa í svona“ Innlent Vön því að hringja í fullorðna karlmenn á fölskum forsendum Innlent Til skoðunar að flytja Sjálfstæðisflokkinn úr Valhöll Innlent Heimsótti foreldra Matthíasar: Sagðist sjálfur hafa átt hugmynd að lögmannaskiptum Innlent Fleiri fréttir Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sjá meira
Ekki stendur yfir rannsókn um einelti af hálfu skrifstofustjóra skrifstofu borgarstjóra og borgarritara á hendur fjármálastjóra Ráðhúss Reykjavíkur. Þetta upplýsti Dagur B. Eggertsson borgarstjóri á fundi borgarstjórnar í gær. Skrifstofustjórinn hafði veitt fjármálastjóranum áminningu en fjármálastjórinn ákvað að höfða mál fyrir Héraðsdómi Reykjavíkur sem felldi áminninguna úr gildi. Reykjavíkurborg var dæmd til greiðslu bóta og ákvað að áfrýja ekki. Hins vegar ákvað skrifstofustjórinn að fara fram á að ásakanir um einelti af hálfu fjármálastjórans yrðu kannaðar.Lögmaður fjármálastjórans hefur sent borginni bréf þar sem er farið fram á að látið verði af þeirri könnun því fjármálastjórinn líti ekki á málið sem eineltismál og hefði ekki farið fram á slíka könnun. Vigdís Hauksdóttir, borgarfulltrúi Miðflokksins, kallaði eftir því á fundi borgarstjórnar í gær að látið yrði af þessari rannsókn og það yrði útkljáð strax um morguninn eftir borgarstjórnarfund og þeir sem beri ábyrgð á málinu axli hana. Ummæli um einelti látin falla fyrir dómi Dagur B. Eggertsson sagði að um væri að ræða viðkvæmt starfsmannamál en því yrði að halda til haga að beiðni um athugun á því hvort um einelti væri að ræða kom frá yfirmanni fjármálastjórans. Sú beiðni hafi komið fram í kjölfar athugasemda sem fjármálastjórinn lét falla í vitnaleiðslum í málinu áður en dómurinn féll. Dagur sagði fjármálastjórann líta svo á að hann hefði aldrei lagt fram eineltiskvörtun, hann hafi aldrei haldið því fram að um einelti væri að ræða og vill þess vegna ekki málið sé kannað sem einelti. Sagðist borgarstjóri geta tekið undir með Vigdísi að þeim þætti málsins ætti þar með að ljúka og það hafi reyndar verið upplýsti í borgarráði. Hann sagði að samkvæmt ferlum þurfi að ljúka þessu máli og þá megi segja að markmiðinu hafi verið náð, það er að hreinsa skrifstofustjórann af ásökunum um að einelti væri að ræða.Vigdís Hauksdóttir, borgarfulltrúi Miðflokksins.Vísir/VilhelmSagði Vigdís hafa varið sumrinu í að ræða einelti Borgarstjóri sagði að hvorugur þessara aðila, fjármálastjórinn og skrifstofustjórinn, ætti í deilum um hvort eineltismál væri að ræða en borgarstjóri benti á að Vigdís Hauksdóttir hefði hins vegar varið sumrinu í að ræða málið sem eineltismál og að um dóm í eineltismáli væri að ræða. „Og það er svolítið magnað að borgarfulltrúinn geti síðan staðið hér í ræðustól og lesið hvert bréfið á fætur öðru sem fjallar um það að þetta sé ekki einmitt eineltismál, án þess að átta sig á sínum hlut í að koma því orði á,“ sagði Dagur. Hann sagði Vigdísi ekki hafa dregið þau ummæli sín til baka þó að maður gangi undir manns hönd til að upplýsa að ekki sé um eineltismál sé að ræða. Sagðist Dagur hafa þá trú að þessi þáttur málsins fái farsæla niðurstöðu en sagðist ekki átta sig á því hvers vegna Vigdís hefði ákveðið að gera það að umtalsefni á pólitískum vettvangi.Skammaði borgarfulltrúa vegna gríns á kostnað starfsmanns Fyrr í umræðunni minntist Vigdís á að hún vonaði að Dagur sýndi málinu jafn mikla umhyggju og hann sýndi borgarstarfsmanni sem sást vökva pottablóm í rigningu í borginni fyrr í sumar. Þar vitnaði Vigdís í ummæli Dags á fundi borgarstjórnar þar sem hann lét Vigdísi og Eyþór Arnalds, oddvita Sjálfstæðisflokksins, heyra það vegna myndar sem þau birtu á samfélagsmiðlum af umræddu starfsmanni. Dagur sagði það ekki sæmandi kjörnum fulltrúum að beina spjótum sínum að almennum starfsmönnum þannig að fólk geti skilið það svo að það sé verið að gera lítið úr því. Sagði hann þetta starfsfólk ekki geta borið hönd fyrir höfuð sér, eigi erfitt með það í opinberri umræðu og á þeim vettvangi sem borgarfulltrúar starfa. Lýsti viðhorfi til starfsfólks Nefndi Dagur einnig að hæðst hefði verið að starfsmönnum sem þurrka af borðum eftir fundir og sæju um kaffiveitingar. Varðandi starfsmanninn sem var að vökva pottablóm í rigningu, þá benti Dagur á að starfsmaðurinn hefði verið nýbúinn að gróðursetja plönturnar og þá sé ekki nóg að láta rigna á þær, heldur þurfi rakinn að ná alveg niður að rótum og gegnbleyta þær. Þannig séu leiðbeiningar garðyrkjudeildar Reykjavíkurborgar. Sagði Dagur þessa framgöngu borgarfulltrúanna fyrir neðan allar hellur, ekki af því að hún lýsi skorti á innsýn í garðyrkjustörf, heldur viðhorfi til almenns starfsfólks hjá borginni.
Mest lesið Ekki séð neitt þessu líkt á sínum fjörutíu ára ferli Innlent Sagði til myndbönd af Matthíasi að berja menn í tálbeituaðgerðum Innlent Grunaður hraðbankaþjófur nennti ekki með austur nóttina örlagaríku Innlent Mannskæð skotárás í skóla í Bandaríkjunum Erlent Glímdi við veikindi fyrir andlátið sem breyttu persónuleika hans Innlent Ekkja hins látna: „Hann var enginn barnaperri“ Innlent „Tesla er ekki málið til að standa í svona“ Innlent Vön því að hringja í fullorðna karlmenn á fölskum forsendum Innlent Til skoðunar að flytja Sjálfstæðisflokkinn úr Valhöll Innlent Heimsótti foreldra Matthíasar: Sagðist sjálfur hafa átt hugmynd að lögmannaskiptum Innlent Fleiri fréttir Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sjá meira