Mun meiri hraði í Frakklandi Kristinn Páll Teitsson skrifar 23. ágúst 2018 07:30 Það tók Rúnar Alex Rúnarsson aðeins tvo leiki að halda hreinu í fyrsta sinn í Frakklandi, eitthvað sem tók liðið ellefu umferðir í fyrra. vísir/getty Rúnar Alex Rúnarsson, markvörður íslenska landsliðsins, hefur byrjað vel í frönsku deildinni með Dijon eftir vistaskipti frá FC Nordsjælland í sumar. Var hann keyptur til félagsins meðan á HM stóð og greiddi franska félagið metupphæð fyrir íslenskan markvörð. Dijon byrjaði tímabilið á tveimur sigrum og er ásamt Reims, Nimes og stjörnum prýddu liði PSG á toppi deildarinnar. Tókst Rúnari Alex að halda hreinu í öðrum leiknum og var verðlaunaður með sæti í liði vikunnar í Frakklandi. Hann kveðst vera búinn að koma sér vel fyrir í Frakklandi og frönskukunnátta hans úr skólagöngunni hjálpi honum að koma sér fyrir. „Þetta hefur verið ansi gott hingað til. Við erum komin með allt sem við þurfum og fengum góða íbúð svo við erum búin að koma okkur vel fyrir. Ég lærði frönsku í grunn- og menntaskóla þannig að ég er með grunnkunnáttu í tungumálinu og skil margt sem er sagt við mig. Ég er ekki byrjaður í tímum en þá verður þetta fljótt að koma,“ segir Rúnar og að það hjálpi honum á æfingum. „Þetta hefur hjálpað mér þvílíkt, ég skil flest af því sem þjálfarinn segir strax. Ef það gengur ekki eru nokkrir í liðinu sem tala góða ensku og geta aðstoðað,“ segir Vesturbæingurinn. Frábært að halda strax hreinu Gengið var frá félagsskiptunum meðan á HM stóð og var Rúnar því afar spenntur að hefja æfingar á ný eftir sumarfríið. „Auðvitað var maður alltaf spenntur fyrir því að hefja nýtt ævintýri. Fyrst og fremst fann ég fyrir tilhlökkun yfir að koma og byrja að æfa með liðinu.“ Eins og búast mátti við eru meiri gæði og meiri hraði í franska boltanum en þeim danska. „Helsti munurinn á deildunum og á æfingunum er að hér er allt hraðara og leikmenn eru fjölhæfari. Í Danmörku eru leikmenn oft hraðir eða sterkir en ekki margir sem hafa báða eiginleikana. Það eru meiri gæði í leikjum og á æfingum, við það verð ég að stíga upp og bæta minn leik.“ Dijon, sem er aðeins tuttugu ára gamalt félag eftir sameiningu tveggja liða í borginni Dijon, var að hefja þriðja tímabil sitt í röð í efstu deild. Félagið náði besta árangri sínum í efstu deild í fyrra þegar það lenti í ellefta sæti og byrjar tímabilið af krafti í ár. „Þetta er góð byrjun, auðvitað stefnir maður alltaf á að vinna alla leiki en það var kannski framar björtustu vonum að ná í sex stig. Við byrjuðum á erfiðum útivelli gegn Montpellier þar sem sigurmarkið kom í uppbótartíma sem gerði heilmikið fyrir liðið og sjálfstraustið. Svo var flott að ná að halda hreinu strax í annarri umferð, það tók ellefu umferðir í fyrra,“ segir Rúnar sem var valinn í lið umferðarinnar af L’Equipe eftir að hafa haldið hreinu gegn Nantes. „Það gerir heilmikið fyrir mig til að fá strax virðingu frá stuðningsmönnunum og andstæðingunum. Ég fékk strax traustið frá þjálfaranum og öllum í liðinu, það veitti manni sjálfstraust en það þýðir ekkert að verða saddur núna. Ég verð að æfa vel, bæta mig og standa undir traustinu.“ Spennandi verkefni fram undan Rúnar Alex var hluti af HM-hópnum hjá Heimi Hallgrímssyni og verður eflaust í fyrsta leikmannahópnum hjá Erik Hamrén í fyrsta leiknum undir stjórn þess sænska. „Heimir vann frábært starf með landsliðið og það var ótrúlega gaman að þetta endaði vel hjá honum með því að komast í lokakeppni HM. Góður endasprettur hans munu vonandi hjálpa Erik að taka við keflinu og vonandi getum við haldið áfram þessu góða gengi landsliðsins.“ Hann kveðst spenntur fyrir því að mæta til æfinga og kynnast því að æfa undir stjórn Hamrén. „Ég myndi ekki halda að það verði stórtækar breytingar en það kemur í ljós í Sviss. Þetta verður áhugavert, það er alltaf gaman að prófa og kynnast einhverju nýju. Ég fékk ekki að vinna með Lars á sínum tíma þannig að það verður gaman að kynnast sænskum þjálfunaraðferðum og læra vonandi eitthvað nýtt.“ Hann horfði meðal annars til þess hvað félagsskiptin til Frakklands myndu þýða fyrir landsliðsferilinn. „Auðvitað spilaði það inn í ákvörðunina að fara í stærri deild til að auka möguleika mína á að spila fyrir landsliðið en það eru margir þættir sem hafa áhrif. Ég verð að standa mig með félagsliðinu mínu og þetta verður alltaf undir þjálfaranum komið. Auðvitað dreymir mann eins og alla um að spila reglulega fyrir hönd íslensku þjóðarinnar en það verður að koma í ljós.“ Birtist í Fréttablaðinu Fótbolti Mest lesið Kærustupar á leið á Ólympíuleika þar sem þau fá ekki að vera saman Sport Hélt uppi meira en aldar gamalli hefð Enski boltinn Sjáðu sigurmark Rios og öll hin frá St. James' Park Enski boltinn Sjáðu gullstrákana í Vestra fagna: „Vorum bara miklu stærra lið“ Íslenski boltinn Gagnrýndu Bruno: „Hann átti skelfilegan leik“ Enski boltinn Græddu meira en milljarð á kokteilum á US Open Sport Fyrsta félagið með tvö fórnarlömb skotárása í liðinu Sport Rio setti nýtt Liverpool met Enski boltinn Segir að Dowman sé eins og Messi Enski boltinn Van Dijk um Rio: Draumabyrjun en hann verður að vera auðmjúkur Enski boltinn Fleiri fréttir Höfnuðu fimmtíu milljóna punda tilboði í Strand Larsen Slot gagnrýnir Newcastle: „Þetta var ekki fótboltaleikur“ Fall reyndist fararheill hjá Eyjakonum Sjáðu Örvarnar hitta í mark á Meistaravöllum Segir að Dowman sé eins og Messi Gagnrýndu Bruno: „Hann átti skelfilegan leik“ Sjáðu sigurmark Rios og öll hin frá St. James' Park Hélt uppi meira en aldar gamalli hefð Sjáðu gullstrákana í Vestra fagna: „Vorum bara miklu stærra lið“ Van Dijk um Rio: Draumabyrjun en hann verður að vera auðmjúkur Rio setti nýtt Liverpool met Óskar Hrafn: Stundum hata ég fótbolta Jökull: Förum ekki hærra með svona frammistöðu Inter byrjar tímabilið á stórsigri Örvar: Tökum þessa þrjá punkta og förum brosandi heim Sextán ára strákur tryggði Liverpool öll stigin Uppgjör: KR-Stjarnan 1-2 | Örvar kom Stjörnunni inn í titilbaráttuna Ísak Andri lagði upp mark í langþráðum sigri Selja „Isak er rotta“ treyjur fyrir utan völlinn og eldspýtur fylgja með Slot hefur enga samúð með Eddie Howe vegna Isaks Markvörður ÍBV kominn með fimm gul spjöld í sumar Heljarmennið sem fagnaði eins og Schwarzenegger Sjáðu dramatíkina í Krikanum og mörkin fyrir norðan „Við eigum bestu stuðningsmenn á landinu“ Foreldrum Bellinghams bannað að koma í klefann hjá Dortmund „Óskar seldi mér bara hugmyndina sína“ „Getur ekki látið 140 milljóna punda mann í varaliðið“ Fer í aðgerð á föstudag og frá í sex til átta mánuði Isak utan vallar en þó í forgrunni Saka frá í mánuð og missir af Liverpool Sjá meira
Rúnar Alex Rúnarsson, markvörður íslenska landsliðsins, hefur byrjað vel í frönsku deildinni með Dijon eftir vistaskipti frá FC Nordsjælland í sumar. Var hann keyptur til félagsins meðan á HM stóð og greiddi franska félagið metupphæð fyrir íslenskan markvörð. Dijon byrjaði tímabilið á tveimur sigrum og er ásamt Reims, Nimes og stjörnum prýddu liði PSG á toppi deildarinnar. Tókst Rúnari Alex að halda hreinu í öðrum leiknum og var verðlaunaður með sæti í liði vikunnar í Frakklandi. Hann kveðst vera búinn að koma sér vel fyrir í Frakklandi og frönskukunnátta hans úr skólagöngunni hjálpi honum að koma sér fyrir. „Þetta hefur verið ansi gott hingað til. Við erum komin með allt sem við þurfum og fengum góða íbúð svo við erum búin að koma okkur vel fyrir. Ég lærði frönsku í grunn- og menntaskóla þannig að ég er með grunnkunnáttu í tungumálinu og skil margt sem er sagt við mig. Ég er ekki byrjaður í tímum en þá verður þetta fljótt að koma,“ segir Rúnar og að það hjálpi honum á æfingum. „Þetta hefur hjálpað mér þvílíkt, ég skil flest af því sem þjálfarinn segir strax. Ef það gengur ekki eru nokkrir í liðinu sem tala góða ensku og geta aðstoðað,“ segir Vesturbæingurinn. Frábært að halda strax hreinu Gengið var frá félagsskiptunum meðan á HM stóð og var Rúnar því afar spenntur að hefja æfingar á ný eftir sumarfríið. „Auðvitað var maður alltaf spenntur fyrir því að hefja nýtt ævintýri. Fyrst og fremst fann ég fyrir tilhlökkun yfir að koma og byrja að æfa með liðinu.“ Eins og búast mátti við eru meiri gæði og meiri hraði í franska boltanum en þeim danska. „Helsti munurinn á deildunum og á æfingunum er að hér er allt hraðara og leikmenn eru fjölhæfari. Í Danmörku eru leikmenn oft hraðir eða sterkir en ekki margir sem hafa báða eiginleikana. Það eru meiri gæði í leikjum og á æfingum, við það verð ég að stíga upp og bæta minn leik.“ Dijon, sem er aðeins tuttugu ára gamalt félag eftir sameiningu tveggja liða í borginni Dijon, var að hefja þriðja tímabil sitt í röð í efstu deild. Félagið náði besta árangri sínum í efstu deild í fyrra þegar það lenti í ellefta sæti og byrjar tímabilið af krafti í ár. „Þetta er góð byrjun, auðvitað stefnir maður alltaf á að vinna alla leiki en það var kannski framar björtustu vonum að ná í sex stig. Við byrjuðum á erfiðum útivelli gegn Montpellier þar sem sigurmarkið kom í uppbótartíma sem gerði heilmikið fyrir liðið og sjálfstraustið. Svo var flott að ná að halda hreinu strax í annarri umferð, það tók ellefu umferðir í fyrra,“ segir Rúnar sem var valinn í lið umferðarinnar af L’Equipe eftir að hafa haldið hreinu gegn Nantes. „Það gerir heilmikið fyrir mig til að fá strax virðingu frá stuðningsmönnunum og andstæðingunum. Ég fékk strax traustið frá þjálfaranum og öllum í liðinu, það veitti manni sjálfstraust en það þýðir ekkert að verða saddur núna. Ég verð að æfa vel, bæta mig og standa undir traustinu.“ Spennandi verkefni fram undan Rúnar Alex var hluti af HM-hópnum hjá Heimi Hallgrímssyni og verður eflaust í fyrsta leikmannahópnum hjá Erik Hamrén í fyrsta leiknum undir stjórn þess sænska. „Heimir vann frábært starf með landsliðið og það var ótrúlega gaman að þetta endaði vel hjá honum með því að komast í lokakeppni HM. Góður endasprettur hans munu vonandi hjálpa Erik að taka við keflinu og vonandi getum við haldið áfram þessu góða gengi landsliðsins.“ Hann kveðst spenntur fyrir því að mæta til æfinga og kynnast því að æfa undir stjórn Hamrén. „Ég myndi ekki halda að það verði stórtækar breytingar en það kemur í ljós í Sviss. Þetta verður áhugavert, það er alltaf gaman að prófa og kynnast einhverju nýju. Ég fékk ekki að vinna með Lars á sínum tíma þannig að það verður gaman að kynnast sænskum þjálfunaraðferðum og læra vonandi eitthvað nýtt.“ Hann horfði meðal annars til þess hvað félagsskiptin til Frakklands myndu þýða fyrir landsliðsferilinn. „Auðvitað spilaði það inn í ákvörðunina að fara í stærri deild til að auka möguleika mína á að spila fyrir landsliðið en það eru margir þættir sem hafa áhrif. Ég verð að standa mig með félagsliðinu mínu og þetta verður alltaf undir þjálfaranum komið. Auðvitað dreymir mann eins og alla um að spila reglulega fyrir hönd íslensku þjóðarinnar en það verður að koma í ljós.“
Birtist í Fréttablaðinu Fótbolti Mest lesið Kærustupar á leið á Ólympíuleika þar sem þau fá ekki að vera saman Sport Hélt uppi meira en aldar gamalli hefð Enski boltinn Sjáðu sigurmark Rios og öll hin frá St. James' Park Enski boltinn Sjáðu gullstrákana í Vestra fagna: „Vorum bara miklu stærra lið“ Íslenski boltinn Gagnrýndu Bruno: „Hann átti skelfilegan leik“ Enski boltinn Græddu meira en milljarð á kokteilum á US Open Sport Fyrsta félagið með tvö fórnarlömb skotárása í liðinu Sport Rio setti nýtt Liverpool met Enski boltinn Segir að Dowman sé eins og Messi Enski boltinn Van Dijk um Rio: Draumabyrjun en hann verður að vera auðmjúkur Enski boltinn Fleiri fréttir Höfnuðu fimmtíu milljóna punda tilboði í Strand Larsen Slot gagnrýnir Newcastle: „Þetta var ekki fótboltaleikur“ Fall reyndist fararheill hjá Eyjakonum Sjáðu Örvarnar hitta í mark á Meistaravöllum Segir að Dowman sé eins og Messi Gagnrýndu Bruno: „Hann átti skelfilegan leik“ Sjáðu sigurmark Rios og öll hin frá St. James' Park Hélt uppi meira en aldar gamalli hefð Sjáðu gullstrákana í Vestra fagna: „Vorum bara miklu stærra lið“ Van Dijk um Rio: Draumabyrjun en hann verður að vera auðmjúkur Rio setti nýtt Liverpool met Óskar Hrafn: Stundum hata ég fótbolta Jökull: Förum ekki hærra með svona frammistöðu Inter byrjar tímabilið á stórsigri Örvar: Tökum þessa þrjá punkta og förum brosandi heim Sextán ára strákur tryggði Liverpool öll stigin Uppgjör: KR-Stjarnan 1-2 | Örvar kom Stjörnunni inn í titilbaráttuna Ísak Andri lagði upp mark í langþráðum sigri Selja „Isak er rotta“ treyjur fyrir utan völlinn og eldspýtur fylgja með Slot hefur enga samúð með Eddie Howe vegna Isaks Markvörður ÍBV kominn með fimm gul spjöld í sumar Heljarmennið sem fagnaði eins og Schwarzenegger Sjáðu dramatíkina í Krikanum og mörkin fyrir norðan „Við eigum bestu stuðningsmenn á landinu“ Foreldrum Bellinghams bannað að koma í klefann hjá Dortmund „Óskar seldi mér bara hugmyndina sína“ „Getur ekki látið 140 milljóna punda mann í varaliðið“ Fer í aðgerð á föstudag og frá í sex til átta mánuði Isak utan vallar en þó í forgrunni Saka frá í mánuð og missir af Liverpool Sjá meira