Eltur á röndum af ungum íkorna

Lögreglan í Karlsruhe í Þýskalandi fékk tilkynningu á fimmtudag frá manni í bænum sem bað um hjálp vegna þess að íkorni elti hann á röndum. Um var að ræða íkornaunga. Maðurinn gat með engu móti hrist dýrið af sér og stóð eltingaleikurinn enn yfir þegar lögregla kom á svæðið. The Guardian greinir frá þessu.

Eltingaleikurinn stóð þó ekki lengi yfir eftir að lögregla kom á vettvang en litla dýrið sofnaði enda örugglega búinn á því eftir áreynsluna. Lögregluþjónarnir fundu til með dýrinu sem hefur líklegast orðið viðskila við móður sína. Lögregla telur líklega að unginn hafi elt manninn í leit að nýju heimili.

Lögregluþjónarnir sem mættu á vettvang tóku sofandi íkornaungann í sína vörslu og fóru svo með í dýraathvarf en áður en þeir gerðu það gáfu þeir honum nafnið Karl-Friedrich.