Erlendur ferðamaður í sjálfheldu við Skaftafellsjökul

Upp úr hádegi í dag voru björgunarsveitir á Suðausturlandi kallaðar út vegna erlends ferðamanns sem hafði hrasað í skriðu við Skaftafellsjökul. Að því er fram kemur í tilkynningu frá Landsbjörg rann maðurinn og nam staðar á syllu rétt fyrir ofan straumharða á.

Björgunarsveitarfólk og nærtækir leiðsögumenn voru komnir á vettvang um klukkan hálfeitt og eru búin að koma upp tryggingum til að tryggja öryggi sitt og mannsins. Þeir eru byrjaðir að hífa manninn upp.

Björgunarsveitarmenn frá Öræfum, Höfn í Hornafirði og Kirkjubæjarklaustri ásamt sjúkrafluttningamönnum, lögreglu og leiðsögumönnum af svæðinu eru á vettvangi.