Lóa Pind og Sigurður Már úr leik í Allir geta dansað

Dansparið Lóa Pind Aldísardóttir og Sigurður Már Atlason eru úr leik í skemmtiþættinum Allir geta dansað sem eru sýndir á Stöð 2.

Í þætti kvöldsins dönsuðu Lóa og Sigurður Cha cha við lagið Sex Bomb eftir Tom Jones.

Stigahæstu pörin voru annars vegar Hugrún Halldórsdóttir og Daði Freyr Guðjónsson sem fengu 29 stig og hins vegar  Javier Fernández Valiño og Ebba Guðný Guðmundsdóttir sem fengu 28 stig.

Í þættinum Allir geta dansað keppa tíu þjóðþekktir einstaklingar í dansi en þeir dansa við tíu fagdansara og stendur eitt par uppi sem sigurvegari. Þau dönsuðu Quickstep við Hey Pachuco úr The Mask Theme.