Mikil hætta á snjóflóðum á utanverðum Tröllaskaga

Veðurstofa Íslands hefur varað við mikilli hættu á snjóflóðum á utanverðum Tröllaskaga. Mörg snjófljóð hafa fallið í liðinni viku.

Á vef Veðurstofunnar segir að talsvert hafi fallið af nýjum snjó síðustu vikua og að stöðugleikaprófanir í gryfjum hafi gefið til kynna veikleika, einkum á mótum hjarns og nýsnævis.

Hlíðar sem vísa í suðvestur og suðsuðaustur virðast vera varasamastar auk þess sem að óstöðugleiki gæti verið meir nær sjó en inn til landsins.

Nýjustu spár gera ráð fyrir talsverði snjókomu, sérstaklega nyrst á svæðinu og er viðbúið að snjóflóðahætta til fjalla muni aukast við þetta.

Í samtali við Vísi segir Harpa Grímsdóttir, hópstjóri ofanflóðavöktunar að mest sé hættan til fjalla og því mikilvægt fyrir þá sem hugi að útivist upp til fjalla að hafa í huga að mikil hætta sé á snjóflóðum á svæðinu.