Ellen kom tárvotum Kimmel á óvart

Spjallþáttastjórnandinn Ellen DeGeneres kemur gestum sínum oft á óvart með hinum og þessum gjöfum þegar þeir mæta í þáttinn til hennar. Jimmy Kimmel, kollegi hennar, var engin undantekning.

Kimmel var gestur hennar í þætti gærdagsins þar sem umræðuefnið var Óskarsverðlaunahátíðin en Kimmel er kynnir hennar. Talið barst þó engu að síður að syni Kimmel, Billy, sem gekkst nýverið undir hjartaaðgerð. Þakkaði Kimmel Ellen fyrir þátt hennar í að safna háum fjárhæðum til styrktar Barnaspítalans í Los Angels.

Það var þó ekki það eina sem hún gerði. Í þættinum tilkynnti hún að ein að stofunum í hjartadeild spítalans hefði verið skýrð í höfuð á syni Kimmels.

Sjá má viðbrögð Kimmel hér að neðan.