Fyrsta lyfjamálið komið upp í Pyeongchang

Japaninn Kei Saito varð fyrsti íþróttamaðurinn til þess að falla á lyfjaprófi á Vetrarólympíuleikunum sem nú fara fram í Pyeongchang í Suður Kóreu.

Saito er skautahlaupari en hann mun ekki fá að sanna sig á leikunum þar sem honum var vísað frá keppni vegna málsins. BBC greinir frá þessu í dag.

Hinn 21 árs Saito hefur yfirgefið Ólympíuþorpið en hann heldur þrátt fyrir það fram sakleysi sínu.

Það fannst acetalozamide í prófsýni hans, efni sem er á bannlista og er í flokki efna sem oft eru notuð til þess að fela áhrif annara ólöglegra efna.

Hann er nú í keppnisbanni þar til rannsókn á málinu lýkur.