Króatar ekki í vandræðum með Norðmenn

Norðmenn fengu verðugt verkefni í síðari leik dagsins í milliriðli 1 á EM í handbolta í Króatíu þar sem heimamenn biðu þeirra í leik sem var mjög mikilvægur fyrir bæði lið.

Skemmst er frá því að segja að Króatía vann frekar öruggan fjögurra marka sigur, 32-28 eftir að hafa haft frumkvæðið stærstan hluta leiksins.

Manuel Strlek var markahæstur í liði heimamanna með sex mörk. Luka Cindric bætti við fimm mörkum en markahæsti leikmaður Norðmanna var leikstjórnandinn knái, Sandor Sagosen, með 8 mörk.