Kosning: Hver voru best í Olís-deildunum í nóvember?

Nóvember mánuður var flottur í Olís-deildum karla og kvenna og stendur Vísir nú fyrir kosningu ásamt Seinni bylgjunni á Stöð 2 Sport HD um bestu leikmenn mánaðarins.

Eins og alltaf eru það áhorfendur sem velja þau bestu en hægt er að kjósa besta leikmann í Olís-deild karla, Olís-deild kvenna og bestu tilþrif mánaðarins í kosningunni hér að neðan.

Tveir FH-ingar koma til greina hjá strákunum en það eru Einar Rafn Eiðsson og Gísli Þorgeir Kristjánsson. Annað ungstirni, Haukur Þrastarson frá Selfossi, kemur til greina sem og hornamaðurinn Árni Bragi Eyjólfsson úr Aftureldingu.

Hjá stelpunum eru þær tilnefndar Ragnheiður Júlíusdóttir sem skoraði 17 mörk í tveimur leikjum í nóvember, Díana Dögg Magnúsdóttir sem hefur farið á kostum fyrir Val, Andrea Jacobsen, leikmaður Fjölnis, og Ester Óskarsdóttir úr ÍBV sem er tilnefnd annað mánuðinn í röð.

Tilþrifin voru ekki af verri endanum en þau má sjá hér fyrir neðan og neðst má svo taka þátt í kosningunni.

Leikmaður mánaðarins í Olís-deild karla

Leikmaður mánaðarins í Olís-deild kvenna

Tilþrif mánaðarins