Þrír létust er bíll fór í höfnina á Árskógssandi

Maður, kona og barn, sem voru flutt á Sjúkrahús Akureyrar fyrr í kvöld eftir að bifreið þeirra lenti í sjónum við höfnina á Árskógssandi, hafa verið úrskurðuð látin. Þetta kemur fram í tilkynningu frá lögreglunni á Norðurlandi eystra.

.

Ekki er hægt að greina frá nöfnum hinna látnu að svo stöddu. Rannsókn málsins er í höndum lögreglunnar á Norðurlandi eystra og ekki er hægt að veita frekari upplýsingar að sinni.

Lögreglan fékk tilkynningu um slysið um klukkan 17:30 í dag. Viðbragðsaðilar voru kallaðar út og hafa þeir aðstoðað lögreglu á vettvangi á bryggjunni á Árskógsströnd. Óskað var eftir aðstoð Landhelgisgæslunnar og viðbragðsaðila fyrir sunnan. Ekki er grunur um að neitt saknæmt hafi átt sér stað.