Segir Trump yngri hafa boðið greiða gegn gögnum um Clinton

Natalia Veselnitskaya, rússneski lögfræðingurinn sem fundað með Donald Trump yngri og öðrum starfsmönnum framboðs Trump í júní í fyrra, segir Trump yngri hafa gefið í skyn að lög sem beindust gegn Rússlandi yrðu endurskoðuð ef Trump eldri myndi vinna forsetakosningarnar. Hún segir hann hafa beðið um sönnunargögn um að fjármunir hefðu borist til framboðs Hillary Clinton með ólöglegum hætti.

Veselnitskaya ræddi við blaðamenn Bloomberg í Moskvu á dögunum og sagðist hún ætla að setja rannsóknarnefnd öldungadeildar Bandaríkjaþings hið sama. Hún fer hins vegar fram á svör hennar verði gerð opinber, en þingnefndin hefur ekki fallist á það.



Umdeildur fundur

Hún hefur fengið fjölda spurninga frá nefndinni varðandi fund hennar og starfsmanna Trump í Trump-turninum í New York. Í tölvupóstum sem sendir voru á milli Trump yngri og annarra kom fram að fundurinn væri svo hægt væri að koma gögnum sem skaðað gætu framboð Clinton til Trump-liða og það væri liður í aðgerðum stjórnvalda Rússlands til að styðja framboð Trump. Á fundinum voru einnig þeir Paul Manafort, þáverandi kosningastjóri Trump, og Jared Kushner, tengdasonur Trump og ráðgjafi hans.

Sjá einnig: „Ég elska það“: Trump yngri birtir tölvupóstana



Veselnitskaya sagði blaðamönnum Bloomberg að hún væri einnig tilbúin til að svara spurningum rannsakenda Robert Mueller, sérstaks saksóknara Dómsmálaráðuneytis Bandaríkjanna, sem rannsakar afskipti Rússa af forsetakosningunum og mögulega aðkomu framboðs Trump að þeim afskiptum.

Mætti með gögn um skattasvik

Veselnitskaya segir að hún hafi farið á fundinni til að sýna forsvarsmönnum framboðsins upplýsingar um að fjárhagslegir bakhjarlar Demókrataflokksins hefðu svikið undan sköttum og þrýsta á þá að breyta lögum sem kallast Magnitsky-lögin.

Þau lög voru sett á til að refsa rússneskum embættismönnum fyrir morðið á rússneskum endurskoðenda sem hafði sakað Kremlin um spillingu.



Hún segir Trump yngri hafa sagt að það væri hægt að endurskoða lögin ef Trump eldri kæmist til valda. Hún segir hann einnig hafa sagt að mögulega hefðu Bandaríkin gert mistök með lögunum en það gæti tekið langan tíma að komast til botns í málinu.

Þá segir hún einnig að Trump yngri hefði beðið hana um gögn sem sýndu að einhverjir af þeim fjármunum sem bakhjarlar Demókrataflokksins hefðu verið að koma undan sköttum hefðu endað í framboði Clinton.

Ekki gögnin sem þeir vildu

Veselnitskaya sagði að hún hefði ekki verið með slík gögn og að fundurinn hefði verið misheppnaður. Trump yngri hefur einnig sagt að hann hefði sóað tíma sínum með því að hitta Veselnitskaya. Þetta er þó í fyrsta sinn sem hún tjáir sig opinberlega um hvað fór fram á fundinum. Lögmaður Trump yngri sagði Bloomberg að hann hefði ekkert um málið að segja.

Hún segir einnig að hún hafi farið á fundinn á eigin vegum og að hún hafi ekki verið í forsvari fyrir stjórnvöld Rússlands. Hins vegar eru vísbendingar um að hið opinbera í Rússlandi hafi komið að málinu.

Veselnitskaya mætti á fundinn í Trump-turni með fjögurra síðna minnisblað sem innihélt mjög svipaðar upplýsingar og hún hafði áður rætt við æðsta saksóknarar Rússlands, Yuri Y. Chaika. Tveimur mánuðum fyrir fundinn hafði skrifstofa Chaika útvegað bandaríska þingmanninum Dana Rohrabacher. Hún hafði einnig fundað sjálf með Rohrabacher í apríl.

Sjá einnig: Gögn sem framboð Trump fékk fóru í gegnum Kreml



Rohrabacher hefur lengi verið mjög hliðhollur Rússlandi og talað fyrir bættum samskiptum ríkjanna. Háttsettur þingmaður Repúblikanaflokksins, Kevin McCarthy, sagði við aðra leiðtoga flokksins í fyrra að hann væri viss um að Vladimir Putin, forseti Rússlands, greiddi tveimur manneskjum laun. Það væru þeir Rohrabacher og Donald Trump.