Skúrir á vestanverðu landinu í dag

Veðurstofan spáir skúrum um landið vestanvert í dag en að víða verði bjart veður í öðrum landshlutum.

Spáð er vestan vindi fyrir norðan, fimm til tíu metrar á sekúndu, en annars hæg breytileg átt.

Úrkomuminna verður á vestanverðu landinu á morgun og áfram bjart annars staðar. Hitinn verður á bilinu þrjú til átta sig, en víða næturfrost inn til landsins í nótt.

„Útlit fyrir að byrjun næstu viku verður áfram svipað veður nema heldur úrkomuminna. Víða léttskýjað og því verður áfram líkur á næturfrosti. Austlægar áttir frá og með miðvikudegi fram að helgi með rigningu af og til sunnanlands en þurrt á Norðausturlandi,“ segir á vef Veðurstofunnar.

Veðurhorfur á landinu næstu daga

Á mánudag:

Hæg suðlæg átt og víða léttskýjað, en 5-10 m/s með vesturströndinni og skýjað. Hiti 2 til 7 stig, en líkur á næturfrosti, einkum inn til landsins.

Á þriðjudag:

Austlæg átt 3-8, en 8-13 syðst á landinu. Víða bjartviðri, en skýjað með austurströndinni. Hiti breytist lítið.

Á miðvikudag og fimmtudag:

Austan 5-13, en 13-18 með suðurströndinni. Rigning með köflum sunnanlands en þurrt annarsstaðar. Hiti 3 til 9 stig, hlýjast sunnanlands.

Á föstudag og laugardag:

Útlit fyrir austan- og norðaustanátt. Bjartviðri um landið vestanvert en skýjað með köflum austan til og einnig lítilsháttar væta austast. Hiti áfram svipaður.