Kristilegir demókratar fóru með sigur af hólmi í þýsku þingkosningunum

Kristilegir demókratar með Angelu Merkel, kanslara Þýskalands í broddi fylkingar höfðu betur en andstæðingar sínir í þýsku þingkosningunum í dag ef marka má fyrstu útgönguspár.

Flokkur Merkel fékk 32,5 prósenta fylgi. Þrátt fyrir gott gengi í kosningunum er þetta þó verri árangur en í síðustu kosningum árið 2013 þegar Kristilegir Demókratar hlutu 41,5% prósenta fylgi.

Jafnaðarmannaflokkurinn SPD hlaut 20,2% atkvæða og Flokkur þjóðernissinna,  Annar valkostur fyrir Þýskaland AFD, fékk 13,5 prósent a fylgi og er þannig kominn með mann inn á þing.

Merkel býður erfitt verkefni en hún þarf að mynda samsteypustjórn en það gæti bæði reynst flókið og tímafrekt þar sem aðilar í mögulegum samstarfsflokkum eru óvissir um að þeim hugnist að deila með henni völdum. Þetta kemur fram í frétt Reuters.