Sautján ára undrabarn í stangarstökki

Það er óhætt að leggja hið frábæra nafn, Mondo Duplantis, á minnið því hann á eftir að verða stórstjarna í frjálsíþróttaheiminum.

Þessi 17 ára strákur stökk 5,90 metra á móti um síðustu helgi sem er einfaldlega besta stökk ársins í heiminum. Ekki bara í unglingaflokki heldur í fullorðinsflokki líka.

Þetta stökk hefði tryggt honum bronsverðlaun á ÓL í Ríó og er hærra en öll sigurstökkin á HM fullorðinna frá 2001. Lygilegt.

Duplantis á bandarískan föður en sænska móður. Hann býr í Bandaríkjunum en keppir fyrir Svíþjóð og á eftir að raka inn verðlaunum fyrir Svía á stórmótum í framtíðinni.

Hér að neðan má sjá stökkið magnaðan.