Stórskuldug amma vann stóra vinninginn

Áttundi milljónamæringur Getspár á þessu ári er stórskuldug amma sem freistaði gæfunnar á dögunum þegar hún keypti sér lottómiða í söluturninum á Grundarstíg 12 í Reykjavík í liðinni viku. Konan vann rúmar 24 milljónir í lottóinu síðasta laugardag og kom hún til Getspár ásamt dóttur sinni sem hún býr hjá tímabundið því hún leigir út eigin íbúð til að drýgja tekjurnar.

Í tilkynningu frá Getspá segir svo frá því hvernig konan áttaði sig á því að hún hefði unnið stóra vinninginn:

„Það var um nótt, konan andvaka og mundi þá eftir að hafa keypt miða,  hún náði í miðann og bar saman við vinningstölurnar og ætlaði ekki að trúa sínum eigin augum.  Hún vakti dóttur sína og sagði við hana að hún yrði að fara strax á fætur, dótturinni brá og móðurin sagði að þetta væri ekkert slæmt, hún myndi ekki vekja hana um miðja nótt til að segja henni slæmar fréttir.  Mæðgurnar fóru svo sameiginlega yfir miðann og mamman sagði við dótturina að núna loksins gæti hún látið hana fá útborgun upp í íbúð.  

 

Vinningshafinn ætlar að þiggja fjármálaráðgjöf sem Íslensk getspá býður upp á og fá ráðleggingar um hvernig best er að greiða niður skuldir.  Einnig ætlar konan að bjóða fjölskyldunni sinni á fallega sólarströnd en hana hefur lengi dreymt um að geta boðið fjölskyldunni erlendis í frí.  Fyrst ætlar hún þó að bjóða öllum börnum sínum út að borða og segja þeim gleðifréttirnar.“  

Tilkynningu Getspár má sjá í heild sinni hér að neðan:

Það var stórskuldug amma sem freistaði gæfunnar og keypti sér lottómiða í söluturninum Grundarstíg 12 í Reykjavík í síðustu viku og vann rúmlega 24 skattfrjálsar milljónir síðasta laugardag. 

Konan kom til Getspár ásamt dóttur sinni sem hún býr hjá tímabundið, þar sem hún leigir út eigin íbúð til að drýja tekjurnar.  Það var um nótt, konan andvaka og mundi þá eftir að hafa keypt miða,  hún náði í miðann og bar saman við vinningstölurnar og ætlaði ekki að trúa sínum eigin augum.  Hún vakti dóttur sína og sagði við hana að hún yrði að fara strax á fætur, dótturinni brá og móðurin sagði að þetta væri ekkert slæmt, hún myndi ekki vekja hana um miðja nótt til að segja henni slæmar fréttir.  Mæðgurnar fóru svo sameiginlega yfir miðann og mamman sagði við dótturina að núna loksins gæti hún látið hana fá útborgun upp í íbúð.  

 

Vinningshafinn ætlar að þiggja fjármálaráðgjöf sem Íslensk getspá býður upp á og fá ráðleggingar um hvernig best er að greiða niður skuldir.  Einnig ætlar konan að bjóða fjölskyldunni sinni á fallega sólarströnd en hana hefur lengi dreymt um að geta boðið fjölskyldunni erlendis í frí.  Fyrst ætlar hún þó að bjóða öllum börnum sínum út að borða og segja þeim gleðifréttirnar. 

Þess má geta að þessi heppna amma er áttundi milljónamæringur Getspár á þessu ári, svo sannarlega margir sem hafa hlotið milljónavinninga í Lottó, Víkingalottó og Jóker á árinu 2017.  Starfsfólk Getspár óskar þessari heppnu ömmu og fjölskyldu hennar innilega til hamingju með vinninginn og þakkar stuðninginn við íþrótta- og ungmennafélögin í landinu, sem og öryrkja en sá stuðningur skiptir gríðarlega miklu máli.