Fram rústaði Íslandsmeisturunum og fór aftur á toppinn

Fram endurheimti toppsætið í Olís-deild kvenna með stórsigri á Gróttu, 33-23, í kvöld.

Ragnheiður Júlíusdóttir skoraði níu mörk fyrir Fram sem er með jafn mörg stig og Stjarnan en betri árangur í innbyrðis viðureignum liðanna.

Grótta er áfram í 6. sæti deildarinnar með 13 stig. Liðið er þremur stigum frá 4. sætinu sem gefur þátttökurétt í úrslitakeppninni.

Anna Úrsúla Guðmundsdóttir var markahæst í liði Gróttu með sex mörk.

Mörk Fram:

Ragnheiður Júlíusdóttir 9, Hildur Þorgeirsdóttir 6, Marthe Sördal 6, Sigurbjörg Jóhannsdóttir 4, Hafdís Shizuka Iura 3, Steinunn Björnsdóttir 3, Arna Þyrí Ólafsdóttir 2.

Mörk Gróttu:

Anna Úrsúla Guðmundsdóttir 6, Lovísa Thompson 4, Sunna María Einarsdóttir 4, Laufey Ásta Guðmundsdóttir 4, Þórey Anna Ásgeirsdóttir 3, Unnur Ómarsdóttir 1, Emma Havin Sardardóttir 1.