Selena Gomez og The Weeknd náin á stefnumóti

Ritstjórn skrifar 11. janúar 2017 18:30

Selena og Weeknd eru allavega búin að þekkjast rúmt ár, en þau komu fram á Victoria's Secret hátíðinni árið 2015. Mynd/Getty

Söngvararnir Selena Gomez og The Weeknd eru nýjasta parið í Hollywood miðað við nýjustu myndirnar sem náðust af þeim á stefnumóti. Á myndunum sem má finna í hlekknum hér fyrir neðan er Selena með hendurnar utan um söngvarann og á einni myndinni eru þau að kyssast.

Þetta eru gífurlega stórar fréttir enda eru þau tvö af vinsælustu söngvurum heimsins í dag. Selena var áður með Justin Bieber og The Weeknd var með fyrirsætunni Bella Hadid þangað til í nóvember á seinasta ári.

Ekki er vitað hvað þau eru búin að vera lengi að hittast en miðað við myndirnar þá var þetta ekki fyrsta stefnumótið þeirra. Þau komu bæði fram á Victoria's Secret tískusýningunni árið 2015 svo þau eru búin að þekkjast í minnsta kosti eitt ár.