Grótta með fínan sigur og Framarar gefa ekkert eftir á toppnum

Grótta vann Hauka, 29-25, í Olís-deild kvenna í handknattleik í kvöld.

Jafnræði var á með liðunum í fyrri hálfleiknum og var staðan 15-14 fyrir Gróttu eftir 30 mínútna leik.

Íslandsmeistararnir hafa ekki náð sér á strik á tímabilinu en liðið er nú með 10 stig um miðja deild. Lovísa Thompson var með sjö mörk fyrir Gróttu í kvöld og Ramune Petraskyte skoraði átta fyrir Hauka.

Þá rúllaði Fram yfir Fylki í Safamýrinni og fór leikurinn 26-18. Framarar halda því í toppsætið og er liðið með 23 stig, fjórum stigum á undan Stjörnunni.