Í nótt lýkur annað hvort 108 ára bið Chicago Cubs eða 68 ára bið Cleveland Indians eftir meistaratitli í bandaríska hafnaboltanum.
Cubs vann sjötta leikinn í World Series 9-3 og það er því allt undir í einum oddaleik í nótt. Það verður grátið hjá stuðningsmönnum beggja liða eftir leik.
Er það stefndi í sigur Cubs í sjötta leiknum fór miðaverðið á oddaleikinn strax upp. Fyrir sjötta leikinn var meðalverð á mögulegan oddaleik um 200 þúsund krónur.
Það er nú komið í um 250 þúsund krónur, og mun hækka, en það fá ekki allir miða á svo góðu verði. Dýrustu miðarnir sem hafa verið seldir voru á 1,1 milljón króna.
Flestir miðarnir í bestu sætin voru seldir á um hálfa milljón króna þannig að ansi margir eru líklega að taka yfirdrátt svo þeir geti séð þennan sögulega viðburð í bandarískri íþróttasögu.
Borga yfir milljón fyrir miða á oddaleikinn
Tengdar fréttir
Bölvun Cubs eða Indians verður aflétt í oddaleik
Það verður líklega metáhorf á hafnaboltaleik í nótt er tvö félög sem hafa ekki unnið bandarísku hafnaboltadeildina í áratugi berjast um sigurinn í oddaleik.
