Heimilislaus á Ólympíumóti fatlaðra

Eini keppandi Sierra Leone á Ólympíumóti fatlaðra er heimilislaus og býr á skrifstofu á þjóðarleikvanginum í Sierra Leone.

Hann heitir George Wyndham og mun taka þátt í borðtenniskeppni mótsins. Hann hefur unnið til verðlauna á alþjóðamótum. Sá eini frá sínu landi sem hefur náð því í borðtennis.

Íþróttasamband fatlaðra í Sierra Leone hefur séð um Wyndham og leyft honum að búa á skrifstofu sambandsins á vellinum.

„Ég hef búið hérna í nokkur ár og er heppinn að hafa þessa aðstöðu. Ég kem hingað aftur eftir Ólympíumótið því hef ekki í nein hús að venda,“ sagði Wyndham.

Verður áhugavert að sjá hvernig Wyndham gengur í Ríó.