Katrín Tanja efst fyrir tvær síðustu greinarnar

Stefán Árni Pálsson skrifar 24. júlí 2016 17:47

Katrín Tanja Davíðsdóttir er efst af íslensku stelpunum fyrir lokadaginn. Vísir/GVA

Gríðarleg spenna er núna á lokadegi Crossfit-leikanna í Kaliforníu en þegar tvær greinar eru eftir er Katrín Tanja Davíðsdóttir í efsta sæti með 844 stig og hefur hún ellefu stiga forskot á Tia-Clair Toomey sem er í öðru sæti.

Ragnheiður Sara Sigmundsdóttir er í þriðja sæti með 795 stig en enn á eftir að tilkynna í hverju eigi að keppa í lokagreininni. Annie Mist Þórisdóttir er í 12. sætinu 622 stig.

Þetta er fimmti og síðasti keppnisdagur í einstaklingsflokki í karla og kvennaflokki á heimsleikunum í crossfit og er íslenska crossfit-fólkið áberandi meðal efstu manna eins og síðustu ár.

Næstsíðasta greinin í kvenna flokki hefst klukkan 19:55 að íslenskum tíma.

CrossFit

Tengdar fréttir

Tvær íslenskar stelpur aðeins örfáum stigum frá toppnum fyrir lokadaginn

Fjórði keppnisdagur í einstaklingsflokki í karla- og kvennaflokki á heimsleikunum í crossfit fór fram í Kaliforníu í gærvköldi og í nótt. Íslenska crossfit-fólkið er að standa sig vel.

24. júlí 2016 10:30

Katrín Tanja komst á toppinn og Sara er áfram í öðru sætinu

Katrín Tanja Davíðssdóttir og Ragnheiður Sara Sigmundsdóttir háðu mikið einvígi um sigurinn í kvennakeppni heimsleikanna í crossfit í fyrra og það stefnir í annað einvígi íslensku stelpnanna í ár.

24. júlí 2016 01:06

Sjáðu þegar Ísland eignaðist hraustustu konu heims í fjórða sinn

Fimmti og síðasti keppnisdagur í einstaklingsflokki í karla og kvennaflokki á heimsleikunum í crossfit fór fram í Kaliforníu í dag. Íslenska crossfit-fólkið var áberandi meðal efstu manna eins og síðustu ár. Á endanum var það Katrín Tanja Davíðsdóttir sem fagnaði sigri annað árið í röð.

24. júlí 2016 19:45