Grindavík rúllaði yfir Þór

Grindavík skellti Þór 5-0 í Inkasso deildinni í fótbolta í dag eftir að hafa verið 1-0 yfir í hálfleik.

Með sigrinum fór Grindavík á ný upp í þriðja sæti deildarinnar en liðið er tveimur stigum á eftir Þór sem er í öðru sæti. KA er því með þriggja stiga forystu á nágrana sína á toppi deildarinnar.

Juan Manuel kom Grindavík yfir á 12. mínútu og þar við sat í hálfleik.

William Daniels kom Grindavík í 2-0 á annarri mínútu seinni hálfleiks en hann skoraði einnig fjórða mark liðsins níu mínútum fyrir leikslok.

Þriðja markið var sjálfsmark Bjarka Aðalsteinssonar en Alexander Veigar Þórarinsson fullkomnaði niðurlægingu Þórs fjórum mínútum fyrir leikslok með fimmta marki Grindvíkinga.